Secretaría Uvigo

Dende 2010, a Universidade de Vigo rende contas anualmente sobre a súa acción social a través da Memoria de Responsabilidade Social (RSU), a cal vai máis aló do cumprimento da normativa e implica a realización de actividades nas dimensións económica, ambiental e social da súa contorna máis próxima. O rendemento de contas da Universidade de Vigo vén guiado polos principios de ética, gobernanza, compromiso social, respecto ao medio ambiente, promoción dos dereitos humanos e valores democráticos.

Metodoloxía

Para a realización das Memorias de RSU, a Universidade de Vigo aplica, a partir de 2015, os principios establecidos polo Global Reporting Inicitive (GRI), inserida no Pacto Social Mundial, e ao que nos atopamos adheridos como institución.  Estes principios son os de precisión, equilibrio, claridade, comparabilidade, exhaustividade, contexto de sostibilidade, puntualidade e verificabilidade segundo o establecido no actual estándar universal GRI 1.

Seguindo estes principios, a memoria contén unha declaración da persoa responsable da toma de decisións da organización, un perfil da mesma, os aspectos materiais identificados e a cobertura da mesma, a participación dos grupos de interese, a estrutura do goberno corporativo, o ámbito ético e de integridade da institución, así como as dimensións económica, ambiental e social.

Aplicando os indicadores do GRI conséguese proporcionar un marco recoñecido a nivel internacional para a presentación de información e datos, permitindo a medición e comparación do desempeño económico, ambiental e social.

Na edición 2022 faise unha nova adaptación de acordo co estándar universal GRI 1: Fundamentos 2021, o cal presenta o propósito e o sistema dos Estándares GRI e explica os conceptos claves para elaborar informes de sostibilidade,  co estándar universal GRI 2: Contidos xerais 2021, que inclúe os contidos que a organización utiliza para presentar información sobre a súas prácticas de elaboración de informes e detalles organizacionais,..., e co estándar universal GRI 3: Temas materias 2021, o cal ofrece orientacións para que as organizacións determinen os temas materiais e o uso de estándares sectoriais no proceso de redación dos informes de sostibilidade (+ info).

Na seguinte ligazón pódese consultar en detalle a metodoloxía seguida na adaptación da memoria de responsabilidade social ós estándares GRI.

Metodoloxía memoria de responsabilidade social

De conformidade cos requirimentos establecidos no estándar GRI 1, na memoria de responsabilidade social publícase como no anexo 1 un índice de contidos GRI (requirimento 7) e no apartado 3.1 Alcance e cobertura da memoria de responsabilidade social a declaración de uso (requirimento 8).

Índice de contidos GRI (ver ficheiro)

Declaración de uso: As memorias de responsabilidade social elabóranse cunha periodicidade anual. A primeira memoria toma por base o ano 2010 con datos do curso académico 2009/2010, e así sucesivamente ata a última publicada sobre o desempeño acadado no curso 2021/2022.

Por outra banda, é preciso notificar a GRI a utilización dos estándares.

Notificación uso estándares na memoria edición 2022 (ver ficheiro)

Tamén se fai a publicación da nosa Memoria de Responsabilidade Social no Sistema de Memorias de Responsabilidade Social do Ministerio de Traballo e Economía Social.

         Notificación publicación RSU Sistema de Memorias de Responsabilidade Social 2022 (ver ficheiro).