Secretaría Uvigo

Dende o ano 2015 a UVigo participa no ranking Green Metric. Esta clasificación ten como obxectivo proporcionar, a través dunha enquisa en liña, información sobre as políticas de sostibilidade das universidades do mundo, intentando chamar a atención sobre a loita contra co cambio climático, a conservación da enerxía e a auga, a reciclaxe de residuos e o transporte ecolóxico.

Para elo os datos que se analizan son relativos ao entorno e as infraestruturas, a enerxía e cambio climático, residuos, auga, transporte, educación e investigación.

A participación neste ranking permite a UVigo obter información sobre o seu desempeño no esforzo por ser unha institución máis sostible, reducindo a súa pegada de carbono e axudando a reducir o cambio climático.

Na edición do 2022 a Universidade de Vigo acada o posto 300, mellorando o posicionamento relativo respecto á anterior edición que foi no posto 331. 

A continuación pódense ver os informes sobre o posicionamento da universidade:

• Informe Green Metric 2022
• Informe Green Metric 2021.