O obxectivo da convocatoria e promover nos centros da Universidade de Vigo a organización de competicións entre xoves estudantes cuxo obxectivo primordial sexa estimular o estudo e incentivar a adquisición de actitudes e competencias científicas, tecnolóxicas, lingüísticas, humanísticas e/ou sociais.

Poderán solicitar esta axuda os centros da Uvigo que organicen as citadas Olimpíadas do Saber que cumpran os seguintes requisitos:

1. Que os alumnos compitan intelectualmente, por equipos ou de xeito individual, de forma construtiva, comprometida e reflexiva.
2. Que fomenten o esforzo e o rendemento académico do alumnado en calquera das materias científicas, tecnolóxicas, lingüísticas, humanísticas e/ou sociais que formen parte do currículo de Educación Secundaria Obrigatoria ou Bacharelato.
3. Que participe alumnado de, polo menos, cinco centros educativos que impartan Educación secundaria obrigatoria ou Bacharelato na Comunidade Autónoma de Galicia.
4. Que se realicen durante o curso 2021-2022 na Facultade/Escola da Uvigo que a solicita.