Secretaría

Acabo de chegar a Universidade de Vigo. ¿Agora qué?

1. Servizo de atención
Se es alumno poderás consultar calquera dúbida ou problema que teñas, en primeira instancia, na secretaría do teu centro. Se eles non son quen de solucionalo daranche as indicacións de a onde acudir. No portal de matrícula tes unha relación de todos os centros da Universidade de Vigo e os seus datos de contacto.

Se es PAS ou PDI tes aquí a relación de servizos da universidade onde poderás consultar ás dúbidas que che xurdan.

 

2. Acceso a servizos en Internet
Para acceder a diversos servizos que a Universidade de Vigo ofrece a través de Internet precisarás identificarte. Na maioría dos casos esta identificación será mediante o NIU (Número de Identificación Universitaria) ou ben mediante a conta de correo de uvigo (@uvigo.es ou @alumnos.uvigo.es).

Información relacionada: ¿Como consigo o meu NIU?


3. Secretaría virtual
Dende a secretaría virtual (http://secretaria.uvigo.gal) poderás iniciar e consultar diversos trámites a través de Internet. Por exemplo, se es alumno poderás consultar o teu expediente, solicitar bolsas propias da Universidade de Vigo e disporás tamén dunha sección de axuda na que se atopan respondidas as dúbidas máis habituais.

Se es PAS ou PDI poderás descargar a tua nómina, o certificado de renda ou acceder a tuas listaxes de alumnos e actas.

 

4. Acceso á WIFI
A Universidade de Vigo dispón de wifi en todos os seus centros. Para conectarte só precisarás ter unha conta de correo tipo usuario@uvigo.es ou usuario@alumnos.uvigo.es.

Información relacionada: ¿Como me conecto á WIFI da Universidade de Vigo?

 

5. Campus virtual
Podes acceder ao Campus virtual da Universidade de Vigo dende o enderezo http://faitic.uvigo.es. No seu pé de páxina tes os datos de contacto para calquera dúbida ou problema.

 

6. Prococolo marco de actuación para a prevención e sanción do acoso sexual e por razón de sexo da Universidade de Vigo
A Universidade de Vigo está comprometida coa prevención e erradicación daquelas situacións constitutivas de acoso sexual ou por razón de sexo cando estas se produzcan no ámbito universitario en aras de garantir os dereitos fundamentais das persoas que forman parte da comunidade universitaria. No seguinte enlace podes consutar cales son os medios e procedementos que a institución pón ao teu alcance para previr e sancionar situacións deste tipo.

Galego: Protocolo de prevención e sanción do acoso sexual e por razón de sexo
Inglés: Protocol of  prevention and penalisation of sexual and gender-based harassmentf

 

7. Tarxeta Universitaria
A Universidade de Vigo, en colaboración co Banco Santander, pon á disposición de todos os membros da comunidade universitaria unha tarxeta universitaria intelixente.

Tes máis información na FAQ sobre a tarxeta universitaria.

 

 8. Biblioteca
A Biblioteca da Universidade de Vigo xestiona e pon á disposición da comunidade universitaria un conxunto de recursos e servizos de información en apoio das súas actividades de aprendizaxe, docencia e investigación.

Está presente nos tres campus (Ourense, Pontevedra e Vigo) a través dunha rede formada por once bibliotecas coordinadas pola Biblioteca Central do campus Lagoas-Marcosende en Vigo. Tes máis información na súa web (http://www.biblioteca.uvigo.es).

 

9. Deportes
A Universidade de Vigo conta cunha ampla oferta de actividades e servizos deportivos nos tres campus. Segue todo o que che propoñemos en www.deportes.uvigo.es e https://www.facebook.com/servizodeportesuvigo.

 

10. Cursos de idiomas

O Centro de Linguas promove e desenvolve actividades de formación en linguas modernas, atendendo ás necesidades lingüísticas da comunidade universitaria e da súa contorna próxima.

Tes toda a información das linguas nas que te poderás formar e acreditar na web http://cdl.uvigo.es.

 

11. Cursos de galego

Os dous idiomas oficiais en Galicia, na Universidade e na Administración son o  galego e o castelán. A Área de Normalización Lingüística (ANL) desenvolve dende cursos de formación en lingua galega destinados ao alumnado estranxeiro de programas de intercambio e cursos de acollida para persoas non galegas residentes en Galicia ata cursos de actualización ou perfeccionamento para galegofalantes.

Podes consultar os cursos dispoñibles en Bubela


.:: Para calquera dúbida ou problema pode enviar unha incidencia | Esqueceu o contrasinal ou o NIU? ::. ::.