A convocatoria, promovida pola Axencia Galega de Innovación, busca o desenvolvemento de aplicacións comerciais das investigacións xeradas nos centros de coñecemento galego, a través da consecución de licenzas de comercialización ou a creación de spin-offs.

 IGNICIA financia aquelas probas ou actuacións posteriores á obtención do resultado de investigación que se pretende explotar e que permitan validar a tecnoloxía en condicións reais ou cuasi reais, tales como: estudos de mercado, validación técnica, aspectos regulamentarios, análise de oportunidades comerciais e de negocio, formulación de propostas a empresas ou investidores e outros gastos necesarios para a presentación e achegamento ao potencial cliente ou que poidan contribuír ao avance na fase de comercialización.

Os proxectos presentados deberán cumprir os seguintes requisitos:

1. Abordar probas ou actuacións posteriores á obtención do resultado de investigación que se pretende explotar.
2. Estar situados nun TRL4 ou superior.
3. Ter a capacidade de xerar resultados con aplicación na sociedade; estes resultados deberán ter potencial comercial e xerar retornos suficientes de acordo coas bases desta convocatoria, independentemente do prazo en que estes se produzan. 
4. A duración estimada do proxecto será entre 9 e 24 meses. 
5. O orzamento mínimo do proxecto será de 100.000,00 €. 
6. O obxectivo do proxecto de transferencia debe enmarcarse nalgún dos ámbitos de prioridade da Estratexia de especialización intelixente (RIS3) de Galicia 2021-2027.

A Oficina de I+D prestará apoio e asesoramento en todo o referido á preparación e presentación das solicitudes, así como no seguemento dos proxectos financiados.

Contacto:
986 811 943
otri-valorizacion@uvigo.gal