Convócanse 41 prazas na Escola Infantil do Campus de Ourense “Concepción Saiz Otero” para o curso escolar 2025/26.

As prazas distribúense segundo a idade dos nenos e nenas da seguinte forma:

• 8 prazas para nenos e nenas ata 1 ano de idade.
• 13 prazas para nenos e nenas de 1 a 2 anos de idade.
• 20 prazas para nenos e nenas de 2 a 3 anos de idade.

Pódese solicitar praza para os nenos e nenas nados no momento de presentación da solicitude que non teñan cumpridos tres anos de idade a 31 de decembro de 2025.

Unha vez cuberta e asinada electronicamente a solicitude presentarase na sede electronica da Universidade de Vigo xunto coa seguinte documentación:

• Copia do libro de familia ou, no seu defecto, outro documento que acredite oficialmente a situación familiar.
• Informe actualizado de vida laboral dos proxenitores, ou documento xustificativo da súa situación laboral de ocupación.
• No caso de familias monoparentais, certificación xustificativa de tal condición.

A adxudicación de prazas realizarase tendo en conta os seguintes criterios preferentes:

1. Solicitudes para nenos e nenas xa escolarizados no centro no curso 2024/25.
2. Solicitudes para fillos e fillas de persoal que presta servizo na escola infantil Concepción Saiz Otero do Campus de Ourense.
3. Solicitudes para nenos e nenas con irmás ou irmáns con praza renovada no mesmo centro.
4. Solicitudes para nenos e nenas en que as dúas persoas proxenitoras, ou unha delas no caso de familias monoparentais, xustifiquen unha situación laboral de ocupación. En caso de empate, aplicaranse os criterios número 5 e 6.
5. Solicitudes nas que alomenos algún dos proxenitores sexa membro da comunidade universitaria da Universidade de Vigo. (A efectos desta convocatoria, considéranse membros da comunidade universitaria o persoal docente e investigador (PDI), incluído o persoal contratado con cargo a proxectos ou convenios, o persoal técnico de xestión e administración e servizos (PTXAS), o estudantado matriculado en titulacións oficiais da Universidade de Vigo durante o curso académico 2024/25, o persoal da Fundación Universidade de Vigo e o profesorado e estudantado do Programa para Maiores da Universidade de Vigo durante o curso académico 2024/25. A condición de membro da comunidade universitaria debe manterse durante o curso 2025/26.
6. A orde de presentación da solicitude, priorizando a xornada completa con servizo de comedor sobre as solicitudes para media xornada.

Convocatoria de prazas na escola infantil "Concepción Saiz Otero" do Campus de Ourense para o curso 2025/26

R. R. do 2 de abril de 2025 pola que se publica a relación provisional de solicitudes admitidas e excluídas a trámite

Prazo de alegacións: ata o 9 de abril, a través da sede electrónica da Universidade de Vigo (https://sede.uvigo.gal/) entrando no procedemento “Emenda e mellora da solicitude” e facendo referencia ao número de rexistro da solicitude.

Resolución reitoral do 10 de abril de 2025 pola que se publica a relación definitiva de solicitudes admitidas e excluídas a trámite na convocatoria de prazas para a escola infantil “Concepción Saiz Otero” do Campus de Ourense para o curso escolar 2025/26

R. R. do 25 de abril de 2025 pola que se publican a relación provisional de prazas adxudicadas e a listaxe de agarda da Convocatoria de prazas para a escola infantil do Campus de Ourense "Concepción Saiz Otero" para o curso escolar 2025/26

Prazo de reclamacións ata as 23:59 horas do día 5 de maio de 2026 (hora peninsular española)

O documento de reclamación presentaranse a través da sede electrónica da Universidade de Vigo (https://sede.uvigo.gal), entrando no procedemento “Emenda e mellora da solicitude” e facendo referencia ao número de rexistro da solicitude.

R. R. do 7 de maio de 2025 pola que se publican a relación definitiva de prazas adxudicadas e a listaxe de agarda

A matrícula formalizarase na escola infantil entre o 15 e o 31 de maio.