OBXECTO

O obxecto das axudas é facilitar o acceso ao aloxamento universitario ao estudantado matriculado en titulacións oficiais de grao e máster universitario nos campus de Vigo e Ourense, en situación de vulnerabilidade social e/ou económica, garantindo a igualdade de oportunidades no acceso e continuidade dos estudos superiores.

Convócanse as seguintes axudas:

• Unha na residencia da Universidade de Vigo no campus de Vigo
• Dúas na residencia da Universidade de Vigo no campus de Ourense

Requisitos xerais:

a) Atoparse nalgún dos seguintes casos:

• Posuír nacionalidade española.
• Posuír a nacionalidade dun estado membro da Unión Europea e acreditar a condición de residente legal.
• Posuír nacionalidade fóra da EU e acreditar a residencia legal en España, de acordo co disposto na normativa sobre dereitos e liberdades dos estranxeiros en España (non será suficiente o permiso de estadía por estudos).

b) Pertencer a algún dos seguintes colectivos:

• Persoas procedentes do sistema de protección á infancia e á adolescencia.
• Vítima de violencia de xénero.
• Orfandade absoluta.

Requisitos académicos:

1. Estar matriculado/a no curso 2026/2027 na Universidade de Vigo en titulacións oficiais de grao ou máster universitario en centros propios ou en centros adscritos de titularidade pública que imparten titulacións non impartidas en centros propios (Enfermaría Ourense e Enfermaría Meixoeiro).
2. Estar matriculado nun mínimo de 48 créditos ou da totalidade dos que lle permita a normativa da Universidade, agás no caso de alumnado con discapacidade de grao igual ou superior ao 65% que poderá reducir a carga lectiva ata un máximo do 50%.
3. Non superar o número máximo de bolsas permitidas que son:
   • 6 bolsas concedidas para alumnado de Grao da Rama de Enxeñaría,
   • 5 bolsas concedidas para alumnado do resto de estudos de Grao,
   • Os anos dos que conste o plan de estudos nos estudos de Máster Universitario

     4. Non estar en posesión ou non reunir os requisitos legais para a obtención dunha titulación do mesmo nivel ou superior ao correspondente aos estudos para os que se solicita a axuda.

SOLICITUDES E DOCUMENTACIÓN

As persoas solicitantes deberán empregar o formulario en liña dispoñible na secretaría virtual da Universidade de Vigo no seguinte enlace: https://secretaria.uvigo.gal/uv/web/bolsas/convocatorias/index Axudas luz e auga residencias Vigo e Ourense.

O prazo de presentación das solicitudes será dende o día seguinte ao da publicación desta resolución ata o 8 de setembro de 2026 ás 23:59 horas (hora peninsular española).

No momento de facer a solicitude achegarase a seguinte documentación que corresponda en cada caso:

• O Estudantado procedente do sistema de protección á infancia e adolescencia deberá presentar certificado expedido polo órgano competente da comunidade autónoma.
• A Vítima de violencia de xénero deberá presentar acreditación mediante calquera das formas previstas no artigo 5 da Lei 11/2007, do 27 de xullo, galega para a prevención e o tratamento integral da violencia de xénero.
• O Estudantado coa condición de orfandade absoluta deberá presentar documentación acreditativa de tal condición.

Tamén se lle poderá requirir que acheguen outra documentación que a xuízo da comisión de selección resulte necesaria para a correcta avaliación dos requisitos.

OBRIGAS

A persoa beneficiaria deberá estar matriculada na titulación oficial dos campus de Vigo e Ourense, segundo o caso, durante todo o curso académico 2026/2027 para poder manter a súa condición de bolseira.

Ademais debe de cumprir as obrigas recollidas no artigo 14.1 da Lei 38/2013, de 17 de novembro, xeral de subvencións, que lles sexan de aplicación.