OBXECTO

O obxecto desta convocatoria é fomentar unha mellor formación teórica e práctica do estudantado, colaborando, en réxime de compatibilidade cos seus estudos, en actividades vinculadas á titulación na que se matricula.

O máster en Biotecnoloxía Avanzada conta con financiamento da Xunta de Galicia a través da Mención de Excelencia, que permite a incorporación de bolseiros sempre que contribúa á mellora da excelencia do máster. Neste sentido, proponse convocar una bolsa de formación complementaria para fomentar o uso da plataforma dixital universitaria que da acceso a cursos de competencias dixitais, IA e ética profesional e de microcredenciais, entre as persoas matriculadas no máster.

A presente convocatoria non está prevista no plan de subvencións vixente debido a que no momento da súa aprobación non existía a certeza da publicación da convocatoria durante o presente curso académico.

Pode solicitar a bolsa o estudantado que cumpra os seguintes requisitos:

1. Atoparse nalgún dos seguintes casos:
   • Posuír nacionalidade española.
   • Posuír a nacionalidade dun estado membro da Unión Europea e acreditar a condición de residente legal.
   • Posuír nacionalidade fóra da UE e acreditar a residencia legal en España, de acordo co disposto na normativa sobre dereitos e liberdades dos estranxeiros en España (non é suficiente o permiso de estadía por estudos).
2. Estar en posesión do título de graduado/a en Bioloxía
3. Estar matriculada no curso 2026/2027 na Universidade de Vigo no Máster universitario en Biotecnoloxía avanzada.
4. Non gozar con anterioridade dunha bolsa de formación complementaria da Universidade de Vigo durante máis de doce meses, de forma consecutiva ou descontinua. O cómputo do tempo farase de data a data.

Non poderán ter a condición de beneficiario/a as persoas nas cales concorra algunha das circunstancias establecidas no artigo 13.2 da Lei 38/2003, de 17 de novembro, xeral de subvencións.

As persoas solicitantes deberán empregar o formulario en liña no seguinte enlace https://secretaria.uvigo.gal/uv/web/formularios/encuesta/cubrir_paso1/15488 descargalo e presentalo na sede electrónica da Universidade de Vigo (https://sede.uvigo.gal) a través da Instancia Xenérica (SXER) existente na sede, poñendo no Asunto “Bolsas de formación no Máster en Biotecnoloxía avanzada” achegando unicamente o arquivo coa solicitude.

O modelo específico de presentación de solicitudes é de uso obrigatorio para as persoas interesadas neste procedemento (art. 66.6 da Lei 39/2015 do 1 de outubro, do procedemento administrativo común das administracións públicas). Se algunha das persoas interesadas presenta a súa solicitude de xeito presencial se lle requirirá que a presente de xeito electrónico.

O prazo de presentación das solicitudes comeza o día seguinte a publicarse esta convocatoria e remato 1 de setembro de 2026 ás 23:59 horas (hora peninsular española).

De ser o caso achegarán a seguinte documentación ó formulario en liña (non hai que subir a documentación a sede electrónica):

1. O estudantado que non teña nacionalidade española:
   • documento do Rexistro de cidadán/á da Unión Europea ou
   • tarxeta de identificación de estranxeiro/a na que conste o permiso de residencia (non é suficiente co permiso de estadía por estudos) de cidadán/á extracomunitario.
2. Documentación acreditativa de estar en posesión do título de graduado/a en Bioloxía, agás que sexa da Universidade de Vigo
3. Documentación acreditativa dos méritos alegados.

Tamén se lles poderá requirir que acheguen outra documentación que sexa necesaria para a correcta avaliación de requisitos e méritos alegados.

O feito de non achegar a documentación requirida será causa de exclusión.

OBRIGAS

Son obrigas das persoas bolseiras:

1. Realizar, baixo a supervisión do titor/a, a actividade formativa e o plan formativo conforme ao establecido na convocatoria.
2. Estar matriculada na Universidade de Vigo durante todo o período de duración da bolsa.
3. Achegar á Sección de Bolsas e Axudas ao Estudo, dentro do mes seguinte á finalización da bolsa, unha memoria final das actividades realizadas durante todo o período da bolsa. Esta memoria debe estar informada favorablemente pola persoa titora.

Ademais a persoa beneficiaria debe cumprir as obrigas recollidas no artigo 14.1 da Lei 38/2013, do 17 de novembro, xeral de subvencións, que lle sexan de aplicación.