OBXECTO

A presente convocatoria está prevista no Plan Estratéxico de Subvencións da Universidade de Vigo  como acción destinada ao cumprimento do obxectivo “desenvolver programas formativos conxuntos coas empresas e coas institucións que melloren a empregabilidade do estudantado”, a través de fomentar unha mellor formación teórica e práctica do estudantado, colaborando, en réxime de compatibilidade cos seus estudos, en actividades cunha forte compoñente de aprendizaxe e adquisición de novas capacidades e destrezas directamente vinculadas á titulación en que se matricula.

Convócanse 7 bolsas distribuídas do seguinte xeito:

• Campus de Ourense:
  • 1 bolsa no Centro de Investigación, Transferencia e Innovación (CITI)
• Campus de Vigo:
  • 3 bolsas no Centro de Investigación Mariña (CIM-ECIMAT)
  • 1 bolsa no Centro de Investigacións en Nanomateriais e Biomedicina (CINBIO)
  • 1 bolsa no Centro de Investigación CINTECX
  • 1 bolsa na Cátedra R

REQUISITOS

Poderá solicitar a bolsa o estudantado que cumpra os seguintes requisitos:

1. Atoparse nalgún dos seguintes casos:
   • Posuír nacionalidade española.
   • Posuír a nacionalidade dun estado membro da Unión Europea e acreditar a condición de residente legal.
   • Posuír nacionalidade extracomunitaria e acreditar a residencia legal en España, de acordo co disposto na normativa sobre dereitos e liberdades dos estranxeiros en España (non é suficiente o permiso de estadía por estudos).
2. Estar matriculado/a na Universidade de Vigo en centros propios no curso 2026/2027 e durante todo o período de duración da bolsa, nas titulacións de grao ou máster universitario sinaladas no anexo II, no campus en que se opta á bolsa. Para estes efectos terase en conta o estado da matrícula a día 14 de setembro de 2026.
3. No caso de matrícula en Grao ter superados o 50% dos créditos dos estudos de Grao nos que se matricula. Para estes efectos terase en conta o último día establecido pola universidade para presentar as actas de xullo que segundo o calendario académico é o 20 de xullo.
4. Cumprir os demais requisitos específicos sinalados no anexo II. Para estes efectos terase en conta que o último día establecido pola universidade para presentar as actas de xullo segundo o calendario académico é o 20 de xullo de 2026.
5. Non gozar con anterioridade dunha bolsa de formación complementaria da Universidade de Vigo durante máis de doce meses, de forma consecutiva ou descontinua. O cómputo do tempo farase de data a data.

CONTÍA E PAGAMENTO

A dotación económica bruta será como máximo 400 €/mes, e estará suxeita á retención establecida na normativa tributaria aplicable e ás obrigas de cotización á seguridade social (cota obreira) que estableza a normativa vixente nesta materia.

O pagamento realizarase por meses vencidos mediante unha transferencia á conta bancaria en España que sinale a persoa beneficiaria da bolsa na súa solicitude e da que deberá ser titular.

SOLICITUDES

1.As persoas solicitantes deberán empregar o formulario en liña no seguinte enlace https://secretaria.uvigo.gal/uv/web/formularios/encuesta/cubrir_paso1/14771  descargalo e presentalo na sede electrónica da Universidade de Vigo (https://sede.uvigo.gal) a través da instancia xenérica (SXER) existente na sede. No asunto indicará “Bolsas formación Centros de Investigación” e achegará unicamente o formulario coa solicitude. Só se poderá presentar unha solicitude por persoa.

Así mesmo deberán inscribirse na web do “Santander” https://app.santanderopenacademy.com/es/program/complemento-a-las-practicas-2025-ii-edicion entre o 2 de setembro e o 27 de outubro de 2025.

O modelo específico de presentación de solicitudes é de uso obrigatorio para as persoas interesadas neste procedemento (art. 66.6 da Lei 39/2015 do 1 de outubro, do procedemento administrativo común das administracións públicas). Se algunha das persoas interesadas presenta a súa solicitude de xeito presencial, solicitaráselle que a presente de xeito electrónico.

2. O prazo de presentación das solicitudes comeza o día seguinte de publicarse esta convocatoria e remata o 31 de xullo de 2025 ás 23:59 horas (hora peninsular española).

3. As persoas solicitantes establecerán unha orde de prioridade nas bolsas que será vinculante.

4. Xunto coa solicitude deberán subir, de ser o caso, a seguinte documentación ao formulario en liña (non hai que subir a documentación á sede electrónica):

  a) Certificación académica dos estudos realizados no caso de que se realizasen nunha universidade distinta á de Vigo.

  b) Documentación acreditativa dos méritos alegados.

  c) No caso de estudantado comunitario deberá presentar documento do Rexistro de cidadán/á da       Unión Europea.

  d) No caso de estudantado extracomunitario deberá presentar a tarxeta de identificación de estranxeiro/a na que conste o permiso de residencia (non é suficiente co permiso de estadía por estudos).

O prazo de presentación das solicitudes comeza o día seguinte de publicarse esta convocatoria e remata o 2 de setembro ás 23:59 horas (hora peninsular española).