OBXECTO

Recoñecer o traballo feito por aquelas persoas investigadoras cuxa tese doutoral represente un avance significativo no eido das tecnoloxías de telecomunicación baseado na innovación, a creatividade, a orixinalidade e o rigor científico.

Poden solicitar o premio as persoas que cumpran os seguintes requisitos:

1. Persoas en posesión dun título de doutoramento, de calquera nacionalidade, que defendesen a súa tese doutoral no eido das tecnoloxías de telecomunicación (comunicacións, servizos dixitais e/ou ciberseguridade) en calquera universidade española.
2. Defender a tese entre o 1 de xaneiro e o 31 de decembro de 2025.
3. Obter a máxima cualificación (excelente cum laude).
4. Ter publicado 2 artigos JCR Q1/Q2 ou dispor dunha patente en explotación, por un resultado da investigación realizada no contexto da tese doutoral.

O prazo de presentación das solicitudes comeza o día seguinte a publicarse esta convocatoria e finaliza o 15 de setembro de 2026 ás 23:59 horas (hora peninsular española).

No formulario en liña achegarase a seguinte documentación (non hai que subir a documentación á sede electrónica):

1. Certificado do centro onde se leu a tese de doutoramento, que conteña a seguinte información:
1. Título
2. Data de lectura ou defensa.
3. Cualificación obtida.
2. CV do autor da Tese seguindo o modelo de Curriculum Vitae abreviado (CVA) do Ministerio de Economía, Comercio e Empresa (máx. 4 páxinas).
3. Un resumo en castelán, cun máximo 6 páxinas (fonte: Times New Roman 12) indicando:
1. De 3 a 5 "palabras clave" que describen a obra, preferentemente tomadas da taxonomía do IEEE https://www.ieee.org/documents/taxonomy_v101.pdf
2. Breve explicación da relación do traballo realizado coas tecnoloxías de telecomunicación, facendo especial fincapé nos aspectos orixinais e innovadores e nos resultados obtidos.
3. Resumo, destacando a orixinalidade e innovación no ámbito técnico, e os 5 méritos máis significativos obtidos polo traballo realizado, indicando claramente a súa contribución (por exemplo publicacións de impacto, tanto en revistas como en congresos internacionais de gran relevancia, sempre na disciplina das Tecnoloxías de Telecomunicación, patentes, aplicacións comerciais, resultados de transferencia) e outros méritos (por exemplo, estadías no estranxeiro, premios recibidos, financiamento recibido).
4. Como anexos poderase enviar un índice con enlaces a:
1. O traballo (tese de doutoramento) en formato Adobe .pdf (en castelán ou inglés).
2. Traballos publicados en revistas nacionais/internacionais, e en congresos nacionais/internacionais derivados da Tese.
3. Financiamento público ou privado recibido.
4. Patentes xeradas, aplicacións comerciais.

OBRIGAS

A persoa gañadora comprométese a facer unha breve presentación da súa tese de doutoramento (máximo 15 minutos) na cerimonia de entrega do devandito premio. A data comunicaráselle á persoa premiada no prazo mínimo de 30 días previa cerimonia.

No caso de non poder asistir de xeito presencial, a devandita presentación poderase facer de xeito virtual.

Enlace ao Taboleiro

Prazo de alegacións a partir do día seguinte ó da publicación desta resolución e ata o día 6 de outubro ás 23:59 horas (hora peninsular española) para de ser o caso, emendar os defectos que motivaron a súa exclusión ou completar a solicitude. Para tal fin deberán empregar o formulario de alegacións existente na secretaría virtual ou por calquera dos medios establecidos na Lei 39/2015 de 1 de outubro, do procedemento administrativo común das administracións públicas, dirixido ao Servizo de Axudas ao Estudo, Bolsas e Prezos Públicos