A presente resolución ten por obxecto a aprobación para o ano 2025 do procedemento de concesión de axudas a Proxectos para o persoal investigador con traxectoria excelente do Campus de Ourense no marco do financiamento do Convenio de colaboración entre a Consellería de Educación, Ciencia, Universidades e Formación Profesional e a Universidade de Vigo para o desenvolvemento de accións estratéxicas no Campus Auga de Ourense (2024-2027).

Estas axudas pretenden potenciar a captación e retención de talento para o persoal investigador adscrito ao programa Ramón y Cajal da convocatoria 2023 vinculado cun centro do Campus de Ourense, que afiancen unha liña de investigación baseada nun proxecto que potencie as liñas de especialización do Campus Auga aprobadas no seu plan estratéxico 2024-2027. 

Características dos proxectos:

Poderán ser beneficiarios/as destas axudas o persoal investigador que cumpra os requisitos establecidos nesta convocatoria e que forme parte dun grupo de investigación da Universidade de Vigo.

Os proxectos realizaranse de forma individual, con un/unha investigador/a principal e un equipo de investigación proporcional coas tarefas a realizar e deberán enmarcarse nas liñas de especialización do Campus Auga: Alimentación funcional, Agricultura e Medio Ambiente e Xestión da Auga Termal.

Requisitos específicos do persoal investigador

Requisitos do persoal investigador principal:

O IP deberá cumprir os seguintes requisitos dende a data de peche do prazo de presentación de solicitudes ata que remate o período de execución do proxecto.

• Ser persoal investigador adscrito ao programa Ramón y Cajal da convocatoria do ano 2023, que tomase posesión efectiva da súa praza nesa categoría na Universidade de Vigo, en centros do Campus de Ourense, antes da publicación desta convocatoria.
• Non ser investigador/a principal dun proxecto INOU 2025 ou INOU+ POSDOU CAMPUS AUGA 2025.
• Ningún investigador/a principal poderá figurar na solicitude de máis dun proxecto.

Requisitos do persoal do equipo de investigación:

• Ter unha relación contractual coa Universidade de Vigo a tempo completo con capacidade para desenvolver tarefas investigadoras ata a data de finalización do período de execución da subvención.
• O persoal investigador predoutoral contratado co motivo de superar un procedemento de selección de persoal en concorrencia competitiva convocado por calquera entidade do sector público deberá presentar a correspondente autorización de dita entidade.
• O persoal investigador beneficiario dunha axuda posdoutoral que inclúa un contrato de estadía non poderá figurar como membro do equipo de investigación no transcorrer desa fase do contrato.
• Desenvolver o seu labor investigador en instalacións do Campus de Ourense, entenderase que a pertenza a unha das xuntas de centro deste campus é condición suficiente, o resto do persoal deberá acreditar a súa adscrición investigadora ao Campus de Ourense durante todo o período de execución do proxecto.
• Ningún investigador/a poderá figurar na solicitude de máis dun proxecto.

No modelo de solicitude faranse constar os seguintes datos:

• Datos do/da investigador/a principal, que será a persoa solicitante da axuda.
• Datos dos membros do equipo de investigación que deberá ser proporcional coas tarefas a realizar.
• Obxectivos xerais e específicos, así como o impacto científico-técnico e grao de innovación.
• Metodoloxía, plan de traballo e descrición e dedicación do persoal investigador asignado a cada tarefa.
• Plan de comunicación dos resultados.
• Impacto esperado dos resultados do proxecto relacionado coas liñas de especialización do Campus Auga.
• Orzamento con indicación dos conceptos de gasto.
• «Curriculum vitae» abreviado relacionado coas liñas estratéxicas do Campus Auga.

Para a solicitude empregarase o formulario anexo a esta convocatoria, unha vez cuberto convertirase a formato pdf e asinarase dixitalmente polo/a solicitante.

O/A solicitante presentará o pdf asinado (máximo 10MB) a través da sede electrónica da Universidade de Vigo no procedemento Axudas a proxectos para o persoal investigador con traxectoria excelente do Campus de Ourense, antes do 23.06.2025 ás 23:59 horas.

Información: Área de apoio á investigación do Campus de Ourense. vic.investigacion.ou@uvigo.gal / 988 368 880  xainvesou@uvigo.gal / 988 387 325

Oficina técnica de xestión do Campus Auga. xestion.campusauga@uvigo.gal / 988 368 785

R. R. do 24 de xuño de 2025 pola que se publica a relación provisional de solicitudes admitidas a trámite na Convocatoria de axudas a proxectos para o persoal investigador con traxectoria excelente do Campus de Ourense 2025

Prazo para reclamar contra a relación provisoria ou para, no seu caso, corrixir ou completar a documentación: ata as 23:59 horas do día 2 de xullo de 2025 (hora peninsular española).

As reclamacións ou emendas presentaranse a través da sede electrónica da Universidade de Vigo (https://sede.uvigo.gal) utilizando a instancia SXER-Emenda e mellora da solicitude  dirixida á Vicerreitoría do Campus de Ourense– Campus Auga e indicando no asunto “Convocatoria de axudas a proxectos para o persoal investigador con traxectoria excelente do Campus de Ourense 2025”.

R. R. do 3 de xullo de 2025 pola que se aproba a publicación da relación definitiva de solicitudes admitidas a trámite na Convocatoria de axudas a proxectos para o persoal investigador con traxectoria excelente do Campus de Ourense 2025.

R. R. do 14 de xullo de 2025 pola que se publica a relación provisional de axudas concedidas na Convocatoria de axudas a proxectos para o persoal investigador con traxectoria excelente do Campus de Ourense 2025.