1.- Estar matriculado no curso 2024-25 en calquera titulación de grao ou mestrado da Universidade de Vigo. Terán preferencia aquelas solicitudes de estudantes da Facultade de Ciencias Empresariais e Turismo e/ou vinculadas coa temática do BIP.
2.- Terá preferencia o estudantado que acredite un nivel mínimo de INGLÉS B1, segundo o Marco Común Europeo de Referencia para as Linguas (MCER). A acreditación poderá realizarse mediante:
– Presentación dunha certificación oficial recoñecida pola Asociación de Centros de Linguas no Ensino Superior (ACLES): Táboa de certificados recoñecidos por ACLES – 2024
– Ou, en ausencia de certificado, mediante entrevista coa comisión responsable da selección.