OBXECTO

O obxecto desta convocatoria é facilitar ás persoas afectadas polo conflito de Palestina e indicadas no punto 2.a) das bases da convocatoria, a realización de estudos universitarios de Grao que permitan a súa integración no noso país.

Poderán solicitar bolsa o estudantado que cumpra os seguintes requisitos:

1. Ter nacionalidade palestina e residir en Palestina ou en territorios limítrofes.
2. Estar admitida nunha titulación oficial de grao da Universidade de Vigo.
3. Ter coñecemento do idioma español ou galego que permita o seguimento adecuado dos estudos.
4. Contar co aval dunha entidade social de referencia en materia de protección internacional.
5. Non posuír título en España en estudos do mesmo nivel para os que se solicita a bolsa.

O prazo de presentación das solicitudes comezará o día seguinte a publicarse esta convocatoria e remata o 25 de xuño de 2026 ás 23:59 horas (hora peninsular española).

No formulario en liña achegarase a seguinte documentación:

1. Copia do pasaporte.
2. Documento que acredite a residencia en Palestina ou pais limítrofe
3. A acreditación do idioma español
4. Documento de admisión nun Grao da UVIGO
5. A carta de aval da ONG de referencia
6. Carta na que se expliquen os motivos polos que se elixen os estudos e a Universidade de Vigo e a situación socioeconómica (máximo 3 folios).
7. Declaración responsable de non posuír título en España en estudos do mesmo nivel para os que se solicita a bolsa.

OBRIGAS

Serán obrigas da persoa bolseira:

• Participar nas actividades académicas ao longo de todo o curso, entendendo como tales a asistencia presencial a clase, a realización das probas e exames das materias nas que se atopan inscritas e a participación responsable nas demais actividades orientadas a completar a súa formación.
• Estar matriculada durante todo o curso académico 2026/2027.
• Comunicar á Sección de Axudas e Bolsas a obtención de axudas da mesma natureza e finalidade.