O Campus Auga pon en marcha este programa co obxectivo de identificar, valorizar e madurar resultados de investigación nas súas diferentes fases de desenvolvemento, con potencial de explotación e impacto no mercado. Deste xeito preténdese transformar o coñecemento xerado en produtos e servizos con valor no mercado.

Poderá ser beneficiario destas axudas o persoal investigador que cumpra os requisitos establecidos na convocatoria e que forme parte dun grupo de investigación do Campus Auga.

O IP e o resto do equipo deberán cumprir os seguintes requisitos dende a data de peche do prazo de presentación de solicitudes ata que remate o período de execución do proxecto:

• Estar en posesión do grao de doutor/a e manter unha relación contractual coa Universidade de Vigo a tempo completo.
• Estar vencellado a un grupo de investigación que forme parte do Campus Auga.

Ningún/ha investigador/a principal poderá figurar na solicitude de máis dun proxecto.

O modelo de solicitude , unha vez cuberto e asinado, presentarase en formato pdf exclusivamente a través da sede electrónica no procedemento “Programa de Pulo á Valorización e Transferencia do Coñecemento do Campus Auga”.

Programa de pulo á valorización e transferencia do coñecemento do Campus Auga

R. R. 19 de maio de 2025 pola que se publica a relación provisional de solicitudes admitidas a trámite.

Prazo de reclamación ou emendas: ata as 23:59 horas do día 26 de maio de 2026 (hora peninsular española), a través da sede electrónica da Universidade de Vigo (https://sede.uvigo.gal/)

R. R. do 27 de maio de 2025 pola que se publica a relación definitiva de solicitudes admitidas a trámite na Convocatoria de axudas do programa de pulo á valorización e transferencia do coñecemento do Campus Auga

Relación provisional de axudas concedidas na Convocatoria de axudas do programa de pulo á valorización e transferencia do coñecemento do Campus Auga

Prazo de alegacións: ata as 23:59 horas do día 5 de xuño de 2025.

Presentaranse a través da sede electrónica da Universidade de Vigo (https://sede.uvigo.gal) utilizando a instancia SXER-Emenda e mellora da solicitude dirixida á Vicerreitoría do Campus de Ourense– Campus Auga e indicando no asunto “Programa de pulo á valorización e transferencia do coñecemento do Campus Auga”

R. R. do 6 de xuño de 2025, pola que se publica a relación definitiva de axudas concedidas na Convocatoria de axudas do programa de pulo á valorización e transferencia do coñecemento do Campus Auga