O programa permitirá que o estudantado universitario de calquera titulación oficial poida completar a súa formación mediante a realización de prácticas académicas, tanto curriculares como  extracurriculares, no ámbito rural, en zonas con problemas de despoboamento, residindo no mesmo, coñecéndoo en profundidade e convivindo e colaborando coa súa xente, de modo que poidan velo como un lugar de oportunidades para o desenvolvemento do seu futuro profesional.

Oferta de titulacións de Grao da Universidade de Vigo para o Campus Rural

Oferta de titulacións de Mestrados da Universidade de Vigo para o Campus Rural

a) Pode participar neste programa calquera administración local, institución, organismo, entidade sen ánimo de lucro ou empresa legalmente constituídas, que desenvolvan a súa actividade en municipios españois de menos de 5.000 habitantes.

b) As prácticas ofertadas débense poder realizar nun período mínimo de 2 meses, e máximo 4 meses en casos xustificados, comprendido entre o 15 de maio e o 15 de novembro de 2024.

1. As entidades deberán cubrir o formulario en liña na seguinte ligazón https://secretaria.uvigo.gal/uv/web/formularios/encuesta/cubrir_paso1/12600

As entidades para cada perfil buscado deben presentar unha única oferta, podendo presentar tantas ofertas como perfís de prácticas demandados, indicando os perfís requiridos en cada unha delas e podéndose establecer ata un máximo 5 titulacións relacionadas co perfil que se busca.

2. O prazo de presentación das solicitudes comeza o día seguinte a publicarse esta convocatoria e finaliza o 20 de marzo de 2024 ás 23:59 horas (hora peninsular española).