Premios Ángela Ruiz Robles á excelencia académica para o alumnado de grao do curso académico 2022/23 no Sistema universitario de Galicia.

Concederase un premio por cada un dos cursos en que se estruturan os plans de estudos das titulacións oficiais de grao, agás no derradeiro curso, e en cada un dos centros en que se impartan. 

Para o alumnado dos programas de simultaneidade de graos estenderase o premio ata o penúltimo curso anual dos ditos programas.

Cada persoa premiada recibirá unha dotación económica de 1.100 euros e un diploma acreditativo.

• Non estar en posesión dunha titulación universitaria oficial.
• Ter no curso académico 2022/2023 a nota media igual ou superior a 8 puntos.
• Ter superado no curso académico 2022/2023 con aproveitamento excelente a totalidade dos créditos matriculados que, como mínimo serán 60, excluídos os créditos recoñecidos, validados ou adaptados.
• Estar matriculado da mesma titulación no curso 2023/2024.

Os premios outorgaranse de oficio por proposta das universidades do Sistema universitario de Galicia.

•  Publicarase aquí a relación provisional do alumnado seleccionado de acordo cos requisitos establecidos nesta convocatoria.
• As persoas interesadas disporán dun prazo de cinco (5) días desde a súa publicación
  para efectuaren as súas reclamacións.

Alegacións a partir do dia seguinte o da publicación e ata o día 20 de marzo ás 23:59 (hora peninsular española)

Enlace ao taboleiro

Enlace ao Taboleiro

Aquí podes consultar a publicación de estudantes propostas https://www.edu.xunta.gal/portal/node/42503

As persoas propostas deberán presentar obrigatoriamente o documento de aceptación (Anexo II da convocatora) do 16 ao 29 de abril por medios electrónicos a través do formulario PR004A, dispoñible na sede electrónica da Xunta de Galicia https://sede.xunta.gal 

De non presentar nese prazo entenderase que renuncian ao premio.