O obxectivo desta convocatoria é recoñecer, impulsar e incentivar a promoción de accións realizadas nos centros docentes da Universidade de Vigo. Estas accións fomentarán o desenvolvemento das competencias e coñecementos do alumnado para mellorar a súa empregabilidade.

O Distintivo de Empregabilidade consistirá nunha insignia para expoñela publicamente na facultade ou escola, terá unha vixencia de tres anos (2023-2026) e vai acompañado dunha contía económica de 2000 euros que os decanatos ou a dirección dos centros poderán empregar para desenvolver máis actividades ou iniciativas para continuar co fomento da empregabilidade do seu estudantado.

Poden solicitar o Distintivo de Empregabilidade os equipos directivos ou decanais de todas as escolas e facultades da Universidade de Vigo.