Esta convocatoria ten por obxecto dar visibilidade á aportación daquelas liñas de investigación en materia de emprendemento e innovación impulsadas por estudantes da Universidade de Vigo, a través do desenvolvemento dos seus Traballos de Fin de Estudo (Grao e Máster) e Teses de Doutoramento.

Os premios distribúense en dúas categorías:

• Premio de innovación e emprendemento a mellor Tese de Doutoramento
• Premio de innovación e emprendemento ao mellor Traballo Fin de Grao (TFG) e Traballo Fin de Máster (TFM)

Cada categoría terá un primeiro e un segundo premio en cada unha das 5 áreas de coñecemento:

• Artes e Humanidades
• Ciencias Sociais e Xurídicas
• Ciencias
• Ciencias da Saúde
• Enxeñaría e Arquitectura

e un accésit para cada categoría.

Pode participar nesta convocatoria o estudantado que cumpra os seguintes requisitos:

1. Ter superado na Universidade de Vigo durante o curso 2023/2024 e, en todo caso antes do 1 de agosto de 2024, o Traballo Fin de Grao, Traballo Fin de Máster universitario ou a Tese de Doutoramento.
2. Ter realizado un Traballo Fin de Estudos ou Tese que propoña o desenvolvemento de novos produtos ou servizos que teñan un potencial nicho de mercado ou estar orientados á xeración dun proxecto empresarial que poida contribuír a creación dunha iniciativa empresarial.

As persoas solicitantes deberán empregar o formulario en liña no seguinte enlace https://secretaria.uvigo.gal/uv/web/formularios/encuesta/cubrir_paso1/13590 , descargalo e presentalo na sede electrónica da Universidade de Vigo (https://sede.uvigo.gal) a través da instancia xenérica (SXER) existente na sede, poñendo en asunto “Premios ó mellor TFG/TFM e Tese en temáticas relacionadas co emprendemento”, achegando unicamente o formulario coa solicitude. Só se poderá presentar unha solicitude por persoa.

Xunto coa solicitude deberán subir a seguinte documentación ao formulario en liña (non hai que subir a documentación á sede electrónica) de acordo cos modelos anexos IV:B da Orde HFP/1030/2021, e IV.C) :

1. Declaración responsable relativa ao compromiso de cumprimento dos principios transversais (relativos ao dano significativo ao medio ambiente, conflitos de intereses, entre outros), establecidos no PRTR y que puideran afectar ao ámbito obxecto de xestión (ANEXO IV.C)
2. Consentimento ás cesións de datos entre administracións públicas (ANEXO IV.B).
3. Resumo do proxecto de un máximo de dúas páxinas.
4. Informe da persoa directora do traballo acerca do cumprimento do requisito de que a temática do traballo ou tese debe propor o desenvolvemento de novos produtos ou servizos que teñan un potencial nicho de mercado ou estar orientados á xeración dun proxecto empresarial que poida contribuír a creación dunha iniciativa empresarial.
5. Copia en formato pdf do Traballo Fin Grao, Traballo Fin de Máster ou Tese de Doutoramento, ou enlace ao repositorio.

Enlace ao taboleiro