A presente convocatoria está prevista no Plan estratéxico de subvencións da Universidade de Vigo como unha acción destinada a cumprir co obxectivo 27 consistente en “definir e poñer en marcha unha política integrada de responsabilidade social que englobe a cooperación internacional, o voluntariado, a igualdade, e sostibilidade e a atención á diversidade” a través do recoñecemento dos traballos de fin de estudos de grao e máster universitario e a teses de doutoramento realizados polo estudantado da Universidade de Vigo que se distingan por ser especialmente relevantes en temáticas relacionadas coa Axenda 2030, a cooperación ao desenvolvemento e a responsabilidade social.

1. Convócanse 6 premios para TFG distribuídos do seguinte xeito:
   • Artes e Humanidades: 1
   • Ciencias e Ciencias da Saúde: 2
   • Ciencias Sociais e Xurídicas: 2
   • Enxeñaría e Arquitectura: 1
2. Convócanse 6 premios para TFM distribuídos do seguinte xeito:
   • Artes e Humanidades: 1
   • Ciencias e Ciencias da Saúde: 2
   • Ciencias Sociais e Xurídicas: 2
   • Enxeñaría e Arquitectura: 1
3. Convócanse 6 premios de Teses de Doutoramento

Poderán solicitar este premio o estudantado que cumpra os seguintes requisitos:

1. Posuír nacionalidade española, nacionalidade comunitaria acreditando a residencia continuada, ou de fóra da UE acreditando a residencia legal en España no prazo de presentación de solicitudes (non é suficiente o permiso de estadía por estudos).
2. Cumprir unha das seguintes condicións:
   1. Ter superado o traballo fin de grao ou fin de máster universitario durante o curso 2025/2026 na Universidade de Vigo cunha cualificación igual ou superior a 8,5 puntos.
   2. Defender a tese entre o 1 de outubro de 2025 e o 30 de setembro de 2026 coa cualificación de Sobresaínte CUM LAUDE.
3. A temática do TFG/TFM/Tese de doutoramento debe estar relacionada con:

• Axenda 2030: todo tema relacionado con 17 obxectivos de desenvolvemento sostible: Fin da pobreza, Fame cero; Saúde e benestar; Educación de calidade; Igualdade de xénero; Auga limpa e saneamento; Enerxía accesible e non contaminante; Traballo decente e crecemento económico; Industria, innovación e infraestrutura; Redución das desigualdades; Cidades e comunidades sostibles; Produción e consumo responsables; Acción polo clima; Vida submarina; Vida de ecosistemas terrestres; Paz, xustiza e institucións sólidas e Alianzas para acadar os obxectivos.
• Cooperación ao desenvolvemento no marco da Axenda 2030: cooperación financeira; cooperación técnica; axuda alimentaria e axuda humanitaria; principios e fundamentos xurídicos; política e xestión; cooperación e muller; dereitos humanos; ONG e outros actores da cooperación ONG; cooperación empresarial; cooperación universitaria.
• Responsabilidade social corporativa no marco da Axenda 2030: políticas publicas inclusivas; políticas públicas para a igualdade de xénero; inclusión de persoas con discapacidade no emprego público; definición de valores públicos; actuación responsable nas organizacións públicas e privadas; código ético nas organizacións públicas e privadas; deseño de plans de voluntariado nas organizacións públicas e privadas; mellora nas xestión de prevención de riscos laborais.

SOLICITUDE:

As persoas solicitantes deberán empregar o formulario en liña no seguinte enlace https://secretaria.uvigo.gal/uv/web/formularios/encuesta/cubrir_paso1/15530, descargalo e presentalo na sede electrónica da Universidade de Vigo (https://sede.uvigo.gal) a través da instancia xenérica estudantes (SXER) existente na sede (enlace) poñendo en asunto “Premios ó mellor TFG/TFM/TD en temáticas relacionadas coa axenda 2030”, achegando só o arquivo coa solicitude. Só se poderá presentar unha solicitude por persoa. 

O prazo de presentación das solicitudes comeza o día seguinte a publicarse esta convocatoria e finaliza o 8 de outubro de 2026, ás 23:59 horas (hora peninsular española).

No formulario en liña achegarase a seguinte documentación (non haberá que subir a documentación á sede electrónica):

• Memoria en formato PDF, máximo de 10 páxinas, nas que se describa as características do traballo.
• Informe da persoa directora do traballo/tese de doutoramento acerca do cumprimento do requisito de que a temática do traballo ou tese está relacionada cos temas descritos na base 2.c desta convocatoria.
• Unha copia en formato pdf do Traballo Fin Grao / Traballo Fin de Máster/Tese de doutoramento, ou enlace ao repositorio.
• O estudantado que non teña nacionalidade española:
  • documento do Rexistro de cidadán/á da Unión Europea ou
  • tarxeta de identificación de estranxeiro/a na que conste o permiso de residencia (non é suficiente co permiso de estadía por estudos) de cidadán/a fóra da UE.

Enlace ao Taboleiro

Alegacións a partir do día seguinte ó da publicación desta resolución e ata o día 28 de outubro ás 23:59 horas (hora peninsular española) para, de ser ocaso, emendar os erros, as causas de exclusión e a falta de documentación.