Esta convocatoria está prevista no Plan Estratéxico de Subvencións da Universidade de Vigo  como acción destinada ao cumprimento do obxectivo “captar estudantado con talento e garantir o acceso universal á educación pública universitaria” mediante o financiamento do importe dos prezos públicos de matrícula das microcredenciais incluídas no Plan de desenvolvemento de microcredenciais universitarias, e dando resposta ás necesidades relacionadas coa formación permanente, de xeito que contribúa á cohesión social e a reducir as desigualdades.

Poderá solicitar bolsa o estudantado que cumpra os seguintes requisitos:

1. Estar ou ter estado matriculado/a nalgunha das microcredenciais sinaladas no Anexo II.
2. Ter de 25 a 64 anos, cumpridos a data do comezo do curso.
3. Atoparse no prazo de presentación de solicitudes nalgunha das seguintes situacións:
   • Discapacidade acreditada polo organismo competente da comunidade autónoma
   • Desemprego acreditada polo Servizo Público de Emprego da comunidade autónoma
   • Violencia de xénero acreditada de acordo co establecido na base quinta.

Presentación de solicitudes

A solicitude realizarase a través do formulario en liña dispoñible na secretaría virtual da Universidade https://secretaria.uvigo.gal/uv/web/formularios/encuesta/cubrir_paso1/15430 

O prazo de presentación das solicitudes será dende o día seguinte ao da publicación desta convocatoria e remata o 27 de abril de 2026 ás 23:59 horas (hora peninsular española).

OBRIGAS

1. Cumprir as obrigas en materia de información, comunicación e publicidade contempladas no artigo 34 do Regulamento (UE) 2021/241, relativo ao Mecanismo de Recuperación e Resiliencia, sobre o financiamento comunitario das medidas incluídas no PRPR.
2. Cumprir as obrigas en materia de conservación da documentación contempladas no artigo 22.2.f) do Regulamento (UE) 2021/241, relativo ao Mecanismo de Recuperación e Resiliencia, sobre o financiamento comunitario das medidas incluídas no PRPR.