A saúde mental na xuventude continua a ser un tema cada vez máis relevante e fonte de preocupación, tanto para as familias coma para as administracións públicas e educativas, neste ano 2026 as universidades públicas galega e o Servizo Galego de Saúde queren seguir a promover unha conciencia sobre as alteracións e malestares derivados da experiencia académica que afectan á saúde mental. 

Esta convocatoria ten por finalidade regular a participación no programa acompañamento psicolóxico (PAP) ao estudantado da Universidade de Vigo con dificultades derivadas das actividades académicas.

Este programa inclúe á asistencia a 3 sesións de atención psicolóxica totalmente gratuitas para o alumnado da Universidade de Vigo que cumpla cos requisitos seguintes.

Requisitos:

• Ser estudante dun grao da Universidade de Vigo con matrícula no curso actual 2025/2026 de primeiro curso ou en momentos académicos críticos (TFG, prácticas).
• Precisar apoio psicolóxico por problemáticas derivadas directa e estritamente da súa actividade académica.

Quedan excluídas desta convocatoria as solicitudes que se realicen para a inclusión no Programa de Integración de Universitarias/os con Necesidades Especiais (Piune), programa que conta cunha normativa e procedemento propios.

Solicitude do 16 ao 26 de febreiro de 2026

Acceso ao formulario: https://secretaria.uvigo.gal/uv/web/formularios/encuesta/cubrir_paso1/14904