Convócanse cinco modalidades de premios, creándose para as catro primeiras (A, B, C e D sinaladas a continuación) tres premios en metálico, un por cada unha das seguintes liñas de traballo:

• Alimentación Funcional
• Agricultura e Medio Ambiente
• Xestión da Auga Termal

Cada traballo ou mérito soamente poderá presentarse ou vencellarse a unha das tres liñas indicadas anteriormente.

Para a derradeira modalidade (letra E indicada de seguido), establécese un único premio en metálico .

As modalidades son as seguintes:

1. Premio ao TFG/TFM máis destacado.-

Cada premio consistirá nun diploma acreditativo para a persoa autora do TFG/TFM e para a/s persoa/s titora/s, así como dunha dotación en metálico de 930 € para o/a autor/a (suxeita ás retencións do IRPF que estableza a normativa vixente).

1. Premio de investigación a teses de doutoramento.-

Cada premio consistirá nun diploma acreditativo para a persoa autora da tese de doutoramento e para a/s persoa/s directora/s da mesma, así como nunha dotación en metálico de 1.150 € para o/a autor/a (suxeita ás retencións do IRPF que estableza a normativa vixente), que será abonada pola Universidade de Vigo.

1. Premio de investigación á mellor contribución científica.-

Cada premio consistirá nun diploma acreditativo para a persoa autora, así como para a/s coautora/s, de ser o caso, e nunha dotación en metálico de 730 € (suxeita ás retencións do IRPF que estableza a normativa vixente) para a persoa autora, que será abonada pola Universidade de Vigo.

1. Premio ao mellor resultado de transferencia.-

Cada premio consistirá nun diploma acreditativo para a persoa autora e a/s coautora/s, de ser o caso, e nunha dotación en metálico de 880 € (suxeita ás retencións do IRPF que estableza a normativa vixente) para a persoa autora, que será abonada pola Universidade de Vigo.

1. Premio a accións ou actividades de divulgación científica.-

O premio consistirá nun diploma acreditativo para a persoa autora e a/s coautora/s, de ser o caso, e unha dotación en metálico de 930 € (suxeita ás retencións do IRPF que estableza a normativa vixente) para a persoa autora.  

Para concorrer a calquera das modalidades poderán ser candidatos/as o PDI e PI que no momento da convocatoria se atopen en situación de servizo activo na Universidade de Vigo, e o estudantado da Universidade de Vigo matriculado nos cursos 2022-2023 ou 2023/24, que cumpra os requisitos da modalidade do premio ao que se presenta.

• Ningunha persoa solicitante, membro da aportación, autor ou coautor do mérito poderá concorrer simultaneamente a máis dunha modalidade de premios nin a máis dunha das liñas de traballo descritas nesta convocatoria.
• No caso da modalidade A, os traballos presentados deberán ter sido avaliados cunha nota mínima de 9 sobre 10.
• No caso da modalidade B, os traballos presentados deberán ter sido avaliados cunha nota de sobresaínte cum laude.
• No caso das modalidades C, D, e E, de ser o caso, a solicitude deberá contar co visto bo de todos/as os/as coautores/as da contribución, salvo imposibilidade xustificada. Neste senso, consideraranse persoas beneficiarias, aos efectos de certificación da resolución de concesión, tódalas persoas autoras da contribución. No caso da dotación económica considerarase como beneficiaria só á persoa solicitante.
• Non se poderán presentar traballos ou méritos que foran presentados a anteriores edicións destes premios ou nos que se aprecie unha identidade substancial con outros que xa concorreron a convocatorias anteriores.
• Os traballos ou méritos presentados soamente poderán estar vencellados a unha única liña de traballo descrita nesta convocatoria.

As solicitudes dirixiranse á Vicerreitoría do Campus de Ourense, dacordo co seguinte procedemento:

Primeiro.- A persoa solicitante cumprimentará o formulario de solicitude a través da secretaría virtual da Universidade de Uvigo:

https://secretaria.uvigo.gal/uv/web/formularios/encuesta/cubrir_paso1/14789

Unha vez cumprimentado, premerá no botón "Imprimir PDF" do formulario, descargaráo e asinaráo con certificado dixital. Este será o documento que presentará na sede electrónica, segundo as indicacións do seguinte paso.

Segundo.- Dentro do prazo de solicitudes, accederá á sede electrónica da Universidade de Vigo (https://sede.uvigo.gal), elixindo o procedemento “VII Edición dos Premios de Investigación, Transferencia e Divulgación Científica do Campus Auga da Universidade de Vigo”.  Despois de ler a información deberá premer no botón  “INICIAR TRAMITACIÓN”.   No campo "Documentación" engadirase o documento PDF xerado no paso 1.  De seguido, premerá en "enviar solicitude".

O "xustificante de presentación en sede" xerado inclúe a ligazón e o contrasinal de acceso que se precisará para cargar o traballo ou mérito que se presenta á convocatoria. Dito arquivo co traballo ou mérito debe nomearse co número de xustificante de presentación e seguirá o modelo Anexo I que se achega máis abaixo. Deberá cargarse no enderezo indicado dentro do prazo de presentación de solicitudes.

Non se admitirán a trámite as solicitudes presentadas por outras vías.

O prazo de presentación de solicitudes abrangue dende as 00:00 horas do 1 de setembro de 2025 ás 23:59 horas do 12 de setembro de 2025.