A presente convocatoria ten como obxectivo a realización dun proceso selectivo para a contratación como persoal laboral temporal de seis investigadoras ou investigadores doutoras/es, que tiveran desenvolvido a súa actividade investigadora postdoutoral na Universidade de Vigo no cadro de determinados programas competitivos internacionais, nacionais e autonómicos.

a. Ser ou ter sido persoal investigador a tempo completo da Universidade de Vigo na modalidade Marie Curie Individual Fellowship, Contratos de proxectos de Jóvenes Investigadoras/es do Ministerio investigadoras/es principais das convocatorias de proxectos do Ministerio (JIN), Margarita Salas, María Zambrano, Juan de la Cierva- Incorporación, axudas posdoutorais da Xunta de Galilcia modalidade B, e que a data de finalización do seu contrato estea comprendida entre o 1 de xaneiro de 2024 e o 31 de decembro de 2024, (sen considerar as posibles prórrogas ás que tivera dereito).

b. Dispoñer da acreditación da ANECA ou da ACSUG como profesor/a contratado/a doutor/a ou Profesor/a permanente laboral (PPL) ou ben como profesor/a titular de universidade.

c. Presentar acreditacion R3/I3, no caso de pousuíla ( non é un requisito excluínte).

d. Non ter avaliación negativa na convocatoria correspondente ao seu contrato.

Non poderán participar aquelas persoas que finalizasen voluntariamente a súa relación contractual coa Universidade de Vigo antes da data de remate do prazo de presentación de solicitudes.

As solicitudes serán cumprimentadas segundo o formulario que se achega como anexo e dirixidas ao reitor da Universidade de Vigo. Adicionalmente ao formulario de solicitude, deberá achegarse:

-Copia da certificación da acreditación da ANECA ou ACSUG como profesor/a contratado/a doutor/a ou profesor/a permanente laboral ou ben como profesor/a titular de universidade.

- Copia da certificación I3 ou R3 no caso de posuíla.

- Curriculum vitae detallado. Non é necesario aportar os xustificantes dos méritos indicados no curriculum no momento da solicitude.

- Un resumo (máximo dúas páxinas) da liña de investigación a desenvolver durante a duración do contrato.