A intervención artística a realizar ubicarase sobre unha parede lateral do edificio do Campus Auga, cunhas medidas aproximadas de 9,80 por 15,5 metros (lonxitude x altura). 

 A técnica utilizada será libre, valorándose por parte do xurado os seguintes aspectos:  a conexión co entorno no que se plasmará o traballo, a interacción co edificio do que formará parte e a utilización de materiais que contribúan á sustentabilidade medioambiental.

Aceptaráse calquera tipo de técnica ou manifestación artística (graffiti, pintura mural, intervención escultórica, etc.).

Pode participar calquera persoa maior de idade, de xeito individual ou en grupo.

Cada participante presentará unha única obra orixinal que non fose galardoada en ningún outro concurso.

Pasos a seguir para participar:

Primeiro.-A persoa autora da obra ou a persoa que representa ao grupo de traballo cumprimentará o formulario de participación a través da secretaría virtual da Universidade de Uvigo.  

Este formulario inclúe a declaración responsable de cumprir, entre outras, as seguintes condicións:

• Que todos os datos da solicitude e documentos achegados para a esta convocatoria son certos e se compromete a achegar os documentos que así o acrediten.
• Que está ao corrente das obrigas tributarias e coa Seguridade Social.
• Que non ten pendentes de pagamento débedas coa Universidade de Vigo nin é debedora por resolución de procedencia de reintegro.
• Que a proposta é orixinal, e non foi galardoada e ningún outro concurso
• Que se a obra é premiada cédense á Universidade de Vigo os dereitos de difusión e/ou exhibición, reprodución ou publicación da imaxe ou contido da mesma, en calquera das súas publicacións así como para a súa exposición en algunha mostra, facendo sempre mención ao nome da/s persoa/s autora/s da obra.
• Que coñece e entende todos os termos da convocatoria, onde se expresa, tamén, que a ocultación ou falsidade de documentos leva consigo a perda de todo dereito para presentarse a esta convocatoria.

Segundo.- Unha vez cumprimentado, premerá no botón "Imprimir PDF" do formulario, descargaráo e asinaráo con certificado dixital. Este será o documento que presentará na sede electrónica, segundo as indicacións do seguinte paso.

Terceiro.- Dentro do prazo de solicitudes, accederá á sede electrónica da Universidade de Vigo (https://sede.uvigo.gal), elixindo o procedemento “Concurso de Intervención Artística Campus Auga 2024” (https://sede.uvigo.gal/public/catalog-detail/38537958).  Despois de ler a información deberá premer no botón  “INICIAR TRAMITACIÓN”.   No campo "Documentación" engadirase o documento PDF xerado no paso 2.  De seguido, premerá en "enviar solicitude".

Cuarto.- O "xustificante de presentación en sede" xerado inclúe a ligazón e o contrasinal de acceso que se precisará para cargar a obra que se presenta ao concurso. O arquivo da obra ou traballo debe nomearse co número de xustificante de presentación e constará dun dossier en formato .pdf cun tamaño máximo de 15 MB, que conteña a seguinte documentación:

• reprodución dixital da obra e, se é posible, simulación da mesma no espazo destinado ao concurso
• ficha técnica completa da obra: título e materiais a utilizar coas cantidades, se fose o caso, aproximadas e necesarias para a súa elaboración
• texto breve explicativo da obra
• breve currículo (opcional): non máis de 15 liñas e un máximo de 5 fotografías doutros traballos. Non incluirá datos persoais identificativos

Non se admitirán a trámite as solicitudes presentadas por outras vías.

Establécese un único premio de 5.000 euros para a persoa ou persoas gañadoras, que se fará efectivo trala reprodución da proposta no espazo indicado e segundo o recollido na ficha técnica aportada. Ao importe dos premios aplicaráselle a retención fiscal legalmente establecida.

A Vicerreitoría do campus de Ourense facilitará os materiais e as estructuras necesarias para levar á cabo o traballo, segundo o que figura na memoria presentada pola persoa gañadora.

O prazo de realización efectiva do traballo, requisito indispensable para a percepción do premio, remata o 30 de novembro de 2024.

Información e consultas:

culturavicou@uvigo.gal

988387219