A presente convocatoria ten por obxecto o financiamento proxectos de interese para a Universidade de Vigo e a Universidade do Minho. Financiaranse proxectos relacionados coas áreas de investigación nas que esta colaboración poida ser máis frutífera, dende dous puntos de vista: realización de proxectos conxuntos (modalidade 1) e promoción da preparación de proxectos internacionais en colaboración (modalidade 2).

En ambos casos, financiarase a realización de proxectos nos que participará persoal investigador das dúas institucións, orientados, prioritariamente, ás seguintes áreas de investigación: Dereito, Arqueoloxía, Intelixencia Artificial, Ciencia e Tecnoloxía do Mar, Biomedicina, Enxeñería Química, Alimentos e Biotecnoloxía, Enxeñería Civil, Enxeñería Aeroespacial, Estatística e Comunicación.