Convocatoria de concursos de creación audiovisual, fotografía, pintura e maquetas de música para o ano 2023

Membros da comunidade universitaria da Universidade de Vigo (alumnado, PAS ou PDI), coas especificacións de cada premio recollidas na convocatoria.

MEDIO DE PRESENTACIÓN – COMO FACELO

A presentación de solicitudes supón a realización da totalidade dos seguintes pasos:

1. A persoa autora da obra ou a persoa que representa ao grupo de traballo é a persoa que ten que cubrir a solicitude de participación e faise cumprimentando o formulario correspondente que se atopa na secretaría virtual  da Universidade de Vigo.
2. Unha vez cumprimentado o formulario a través da secretaría virtual da Universidade de Vigo, hai que xerar o PDF só do formulario, descargalo e asinalo con certificado dixital.
3. A persoa solicitante debe presentar o formulario do apartado anterior (descargado e asinado) a través da sede electrónica da Universidade de Vigo (https://sede.uvigo.gal), no procedemento “Concursos de creación audiovisual, fotografía, pintura e maquetas de música para o ano 2023”, premendo no apartado  “INICIAR TRAMITACIÓN”, debendo indicar no “asunto” a que modalidade se presentan e dirixirase ao servizo da Xestión da Extensión Universitaria.
4. Unha vez rexistrado na sede electrónica da Universidade de Vigo, a aplicación xera o xustificante de presentación da solicitude onde figuran as instrucións para aportar a obra na modalidade correspondente.
5. Para finalizar, a obra subirase na ligazón correspondente á modalidade na que participe empregando o contrasinal de acceso que aparece no xustificante de presentación da solicitude.

Non se admitirán a trámite as solicitudes presentadas por outras vías.

O prazo de presentación de solicitudes remata o 28 de xullo de 2023, ás 23:59 horas (hora peninsular española). A presentación fóra de prazo supón a non admisión a trámite da solicitude.

Esta prazo de presentación é tanto para a presentación na sede electrónica da solicitude como da obra (recoméndase que no mesmo día que presenten a solicitude tamén presenten a obra).