A materia introduce ao alumnado nos fundamentos do deseño de produtos e servizos dixitais centrados na persoa usuaria. A través dunha metodoloxía baseada en proxectos, o estudantado adquirirá competencias para investigar necesidades, estruturar información, deseñar experiencias de uso, crear interfaces dixitais e validar solucións mediante prototipos e probas de usabilidade.
A asignatura combina fundamentos teóricos, análise crítica de referentes e ferramentas profesionais actuais, incorporando unha introdución ao uso da intelixencia artificial como apoio aos procesos de investigación, ideación e prototipado.
