Obxectivo: O obxectivo destas charlas é divulgar o coñecemento científico xerado na Universidade de Vigo e espertar vocacións académicas e profesionais, permitindo ao alumnado coñecer de primeira man diferentes áreas de investigación e a súa aplicación na sociedade.

Solicitude das charlas: Os centros educativos poderán solicitar as actividades do catálogo científico-divulgativo a través deste formulario. Cada centro poderá presentar un máximo de tres (3) solicitudes.

Modalidade e datas de realización: As charlas poderán impartirse en modalidade presencial, nas instalacións do propio centro, ou virtual, segundo as características da actividade e a dispoñibilidade do profesorado da Universidade de Vigo. A súa realización terá lugar entre os meses de outubro e abril, en datas acordadas directamente entre o centro educativo e a persoa responsable da actividade na Universidade de Vigo.

Cumprimentación do formulario: Para formalizar correctamente a solicitude, será necesario cubrir todos os campos do formulario. Nos apartados relativos ás datas deberá introducirse algún valor, numérico ou textual, mesmo cando non se soliciten actividades nese bloque.