Actividade dirixida a centros educativos de Galicia con alumnado de Bacharelato e ciclos superiores de FP que desexen coñecer en primeira persoa a oferta académica e as infraestruturas da Universidade de Vigo, en particular do Campus de Pontevedra. Cada centro educativo poderá solicituar unha das dúas datas nas que se celebra esta actividade: 3 de febreiro ou 24 de marzo de 2026.

PROGRAMA. 3 de febreiro e 24 de marzo. (VISITAS AO CAMPUS POR ITINERARIOS ACADÉMICOS)

09.30 a 10.00 h Recepción centros participantes

10.00 a 10.15 h Recepción institucional.

10.30 a 13.00 h Visitas ás Facultades e Escolas.

• Ámbito humanístico: Belas Artes e Deseño.
• Ámbito tecnolóxico: Enxeñaría Forestal.
• Ámbito de educación: Educación Infantil, Educación Primaria, Ciencias da Actividade Física e do Deporte.
• Ámbito de ciencias sociais: Comunicación Audiovisual, Publicidade e Relacións Públicas, Dirección e Xestión Pública.
• Ámbito de ciencias da saúde: Fisioterapia e Enfermaría.

13.00 h Fin da xornada

A Vicerreitoría do Campus de Pontevedra colabora co pago dos 5 primeiros buses (completos) para cada unha das xornadas que inscriban os centros educativos a través deste FORMULARIO.

REQUISITOS PARA RECIBIR AXUDA NO DESPRAZAMENTO

1. Os centros educativos deberán estar situados a unha distancia igual ou superior aos 30 kms de distancia do Campus de Pontevedra.
2. O alumnado deberá estar cursando, exclusivamente, estudos de Bacharelato ou ciclos superiores de FP.
3. Os grupos de alumnado deberán ser de, polo menos, 50 persoas (bus completo).
4. A concesión da axuda para os 5 buses por xornada será por orde de inscrición.
5. Só se pagará un bus por centro educativo.