A Aprendizaxe-Servizo (ApS) é una metodoloxía activa que consiste en que o alumnado aprende facendo un servizo á comunidade polo que axuda a que o estudantado adquira as competencias técnicas da titulación e tamén as xenéricas que teñen que ver co compromiso ético, a responsabilidade social ou o traballo en equipo.

A convocatoria ten os seguintes obxectivos:

• Fomentar o uso da metodoloxía Aprendizaxe-Servizo (ApS) na Universidade de Vigo.
• Recoñecer as iniciativas de innovación educativa que empreguen a ApS.
• Potenciar a difusión das boas prácticas educativas baixo esta metodoloxía.
• Ofrecer asesoramento na implantación da ApS.
• Axudar á institucionalización da metodoloxía Aprendizaxe-Servizo (ApS) na Universidade de Vigo.
• Fortalecer a cultura participativa da Universidade de Vigo cos diferentes axentes sociais, a través da aprendizaxe experiencial, preparando ao alumnado para a cidadanía global e responsabilidade social do alumnado.

As solicitudes (anexo I e II) presentaranse a través do Rexistro con destino á Vicerreitoría de Responsabilidade Social, Internacionalización e Cooperación desde o día seguinte da publicación ata as 14 horas do 14 de xuño de 2019.

• Só se pode participar nun único proxecto na mesma convocatoria.
• As iniciativas teñen que estar vencelladas ás materias que figuren no POD no curso académico 2019-20.
• A metodoloxía de Aprendizaxe – Servizo debe aparecer recollida na Guía Docente da materia especificando a porcentaxe que vai representar na avaliación.
• Todas as persoas que participen no proxecto terán que autorizar o tratamento de datos pola Universidade de Vigo recollido no Anexo II.