O obxecto destas bolsas é sufragar os gastos ocasionados polos desprazamentos desde o lugar habitual de residencia ata o lugar no que se realiza o Prácticum, sempre que este teña lugar en entidades singulares de poboación de menos de 5.000 habitantes, de conformidade coa seguinte distribución:

• 3 bolsas para o grao en Educación Infantil
• 3 bolsas para o grao en Educación Primaria
• 4 bolsas para o grao en Traballo Social
• 3 bolsas para o grao en Educación Social -Prácticum I
• 3 bolsas para o grao en Educación Social -Prácticum II

Pode solicitar a bolsa o estudantado que cumpra os seguintes requisitos:

1. Posuír nacionalidade española, nacionalidade comunitaria acreditando a residencia continuada, ou da fóra da UE acreditando a residencia legal en España no prazo de presentación de solicitudes (non é suficiente o permiso de estadía por estudos).
2. Estar matriculado na Universidade de Vigo no curso 2025/2026 na Facultade de Educación e Traballo Social nas materias de prácticum dos graos de Educación Infantil, Educación Primaria, Traballo Social e Educación Social.
3. Realizar as prácticas nun concello que diste máis de dez quilómetros do concello de residencia habitual.
4. Realizar as prácticas en entidades rurais e escolas rurais situadas nalgunha entidade singular de poboación de menos de 5.000 habitantes.

SOLICITUDES

1. A solicitude realizarase a través do formulario en liña dispoñible na secretaría virtual da Universidade https://secretaria.uvigo.gal/uv/web/bolsas/convocatorias/index “BOLSAS desprazamento prácticas Facultade de Educ. e Traballo Social”

2. O prazo de presentación das solicitudes comeza o día seguinte a publicarse esta convocatoria e finaliza o 21 de outubro de 2026, ás 23:59 horas (hora peninsular española).

O alumnado beneficiario da bolsa deberá presentar o informe final de cumprimento das obrigas desta convocatoria coa sinatura do titor/a unha vez finalizada a práctica.