Estes premios teñen por obxecto incentivar, apoiar e fomentar os estudos STEM entre as mulleres. Convócanse:

• 1 premio e 1 accésit para as titulacións das ramas de Ciencias e de Ciencias da Saúde.
• 1 premio e 1 accésit para as titulacións da rama de Enxeñaría e Arquitectura

• A contía individual máxima do premio é:

  • Premio GirlGeekPower Ciencias ou Ciencias da Saúde: 2.000,00 euros
  • Accésit GirlGeekPower Ciencias ou Ciencias da Saúde: 1.000,00 euros
  • Premio GirlGeekPower Enxeñaría e Arquitectura: 2.000,00 euros
  • Accésit GirlGeekPower Enxeñaría e Arquitectura: 1.000,00 euros

O pagamento do premio efectuarase no prazo de un mes desde a adxudicación mediante transferencia á conta bancaria en España indicada pola estudante na súa solicitude e da que deberá ser titular.

Poden solicitar o premio as mulleres que cumpran os seguintes requisitos:

1. Posuír nacionalidade española, nacionalidade comunitaria acreditando a residencia continuada, ou extracomunitaria acreditando a residencia legal en España no prazo de presentación de solicitudes (non é suficiente o permiso de estadía por estudos).
2. Estar matriculadas na Universidade de Vigo no curso 2026/2027, como mínimo en 60 créditos, en titulacións de grao ou máster universitario das ramas de Enxeñaría e Arquitectura ou Ciencias e Ciencias da Saúde dos campus de Pontevedra e Vigo.
3. No caso das estudantes de grao, ter superados ata o curso 2025/2026, como mínimo 60 créditos da titulación na que están matriculadas.
4. Ter unha nota media de expediente ata o curso 2025/2026 no caso de continuación de estudos de grao ou de máster de mais de 60 créditos segundo recolle o Real decreto 1125/2003, ou de acceso no caso de inicio de estudos de máster igual ou superior a:
   • 7 nas titulacións da rama de Enxeñaría e Arquitectura.
   • 8 nas titulacións da rama de Ciencias e Ciencias da Saúde
5. Non ter recibido este premio en ningunha das convocatorias anteriores para o mesmo nivel de estudos.

No formulario en liña achegarase a seguinte documentación:

• Carta de motivación: as candidatas deberán presentar unha carta de motivación onde amosen, por unha banda, as razóns que as levaron a optar por realizar estudos universitarios no ámbito das STEM e, por outra, onde reflexionen sobre a súa experiencia persoal como mulleres nun ámbito tradicionalmente masculinizado.
• No caso de ter realizado estudos nunha universidade distinta á de Vigo, certificación académica dos estudos realizados.
• As estudantes que non teñan nacionalidade española:
  • documento do Rexistro de cidadán/á da Unión Europea.
  • tarxeta de identificación de estranxeiro/a na que conste o permiso de residencia (non é suficiente co permiso de estadía por estudos) de cidadán/a extracomunitario.

Enlace ao Taboleiro

Prazo de alegacións a partir do día seguinte ó da publicación desta resolución e ata o día 3 de novembro ás 23:59 horas (hora peninsular española) para, de ser o caso, emendar os erros, as causas de exclusión e a falta de documentación. Para tal fin deberán empregar o formulario de alegacións existente na secretaría virtual.