O obxecto desta convocatoria é recoñecer, difundir e premiar os mellores traballos de fin de estudos de grao (TFG), de máster universitario (TFM) e de tese de doutoramento (TD) que inclúan a perspectiva de xénero e/ou feminista realizados polo estudantado da Universidade de Vigo.

• Convócase 1 premio de TFG por cada un dos seguintes grupos:
  • Rama de Ciencias Sociais e Xurídicas
  • Rama de Ciencias, rama de Ciencias da Saúde e rama de Enxeñaría e Arquitectura
  • Rama de Artes e Humanidades
• Convócase 1 premio de TFM por cada un dos seguintes grupos:
  • Rama de Ciencias Sociais e Xurídicas
  • Rama de Ciencias, rama de Ciencias da Saúde e rama de Enxeñaría e Arquitectura
  • Rama de Artes e Humanidades
• Convócanse 3 premios de tese de doutoramento para todas as ramas.

Pode solicitar este premio o estudantado que cumpra os seguintes requisitos:

1. Posuír nacionalidade española, nacionalidade comunitaria acreditando a residencia continuada, ou fóra da UE acreditando a residencia legal en España no prazo de presentación de solicitudes (non é suficiente o permiso de estadía por estudos).
2. Cumprir unha das seguintes condicións:
   1. Ter superado o traballo fin de grao ou máster universitario durante o curso 2025/2026 na Uvigo cunha cualificación mínima de 9 puntos.
   2. Defender a tese entre o 1 de outubro de 2025 e o 30 de setembro de 2026 coa cualificación de Sobresaínte CUM LAUDE.

Non poderán ter a condición de beneficiarias as persoas nas que concorra algunha das circunstancias establecidas no artigo 13.2 da Lei 38/2003 xeral de subvencións, de 17 de novembro.

SOLICITUDE:

As persoas solicitantes deberán empregar o formulario en liña no seguinte enlace https://secretaria.uvigo.gal/uv/web/formularios/encuesta/cubrir_paso1/15533 descargalo e presentalo na sede electrónica da Universidade de Vigo (https://sede.uvigo.gal) a través da instancia xenérica estudantes (SXER) existente na sede (enlace) poñendo en asunto «Premios Egeria á inclusión da perspectiva de xénero e/ou feminista en TFG, TFM e TD», achegando só o formulario coa solicitude. Só se poderá presentar unha solicitude por persoa.

O prazo de presentación das solicitudes comezará o día seguinte a publicarse esta convocatoria e rematará o 8 de outubro de 2026, ás 23:59 h (hora peninsular española).

DOCUMENTACIÓN:

No formulario en liña achegarase a seguinte documentación (non hai que subir a documentación á sede electrónica):

1. O TFG/TFM/TD en formato pdf ou enlace ao repositorio.
2. Resumo do traballo, en formato pdf , de máximo 500 palabras.
3. Breve informe da dirección/titoría do traballo xustificando que este inclúe a perspectiva de xénero.
4. O estudantado que non teña nacionalidade española
   • documento do Rexistro de cidadán/á da Unión Europea ou
   • tarxeta de identificación de estranxeiro/a na que conste o permiso de residencia (non é suficiente co permiso de estadía por estudos) para as persoas cidadás de fóra da UE.