1. OBXECTO

Os premios para o estudantado cos mellores traballos fin de estudos teñen por obxecto a mellora da capacitación, ampliación ou actualización dos coñecementos, técnicas ou habilidades, fomento da formación continua, innovación e investigación no eido da ciberseguridade.

A presente convocatoria non está prevista no plan de subvencións vixente debido a que no momento da súa aprobación non existía a certeza da publicación da convocatoria durante o presente curso académico.

PREMIOS E CUANTÍAS:

Convócanse 6 premios:

• 2 premios a TFG
• 2 premios a TFM
• 1 premio ao traballo de investigación en Tese Doutoral
• 1 premio ao traballo de investigación en colaboración coa empresa

Pode solicitar este premio o estudantado que cumpra os seguintes requisitos:

1. Atoparse nalgún dos seguintes casos:
   • Posuír nacionalidade española.
   • Posuír a nacionalidade dun estado membro da Unión Europea e acreditar a condición de residente legal.
   • Posuír nacionalidade ou de fóra da UE e acreditar a residencia legal en España, de acordo co disposto na normativa sobre dereitos e liberdades dos estranxeiros en España (non é suficiente o permiso de estadía por estudos).
2. Superar o traballo, Fin de Grao (TFG), Fin de Máster (TFM) ou Tese Doutoral (TD) no ámbito da Ciberseguridade, entre o 1 de setembro de 2024 e o 15 de setembro de 2026 nas universidades públicas do Sistema Universitario de Galicia e que non foran beneficiarios en edicións anteriores dos mesmos premios para o mesmo nivel de estudos.

  SOLICITUDE:

1. As persoas solicitantes deberán cubrir o formulario en liña no seguinte enlace https://secretaria.uvigo.gal/uv/web/formularios/encuesta/cubrir_paso1/15502, descargalo e presentalo na sede electrónica (https://sede.uvigo.gal) a través da instancia xenérica (SXER) existente na sede, e por como asunto “Premios Cátedra R TFG/TFM/TD”, achegando unicamente o formulario coa solicitude.
2. O prazo de presentación das solicitudes comeza o día seguinte a publicarse esta convocatoria e finaliza o 21 de setembro de 2026 ás 23:59 horas (hora peninsular española).
3. No formulario en liña achegarase, segundo corresponda, a seguinte documentación (non hai que subir a documentación á sede electrónica):
4. Resumo do traballo (máximo 1.000 palabras) explicando a súa relevancia para as liñas de interese da convocatoria.
5. Descrición do impacto alcanzado (difusión en medios, publicacións, transferencia).
6. Copia en formato pdf do TFG, do TFM ou da TD
7. O estudantado que non teña nacionalidade española:

• documento do Rexistro de cidadán/á da Unión Europea ou
• tarxeta de identificación de estranxeiro/a na que conste o permiso de residencia (non é suficiente co permiso de estadía por estudos) de cidadán/á ou de fóra da UE.

     8. No caso de estudos cursados nunha universidade distinta á Universidade de Vigo deberá presentar expediente académico onde figure a data na que se superou o Traballo fin de estudos.

Enlace ao taboleiro

Prazo de alegacións a partir do día seguinte ó da publicación desta resolución e ata o día 13 de outubro ás 23:59 horas (hora peninsular española) para, de ser o caso, emendar os defectos que motivaron a súa exclusión ou completar a solicitude. Para tal fin deberán empregar o formulario de alegacións existente na Secretaría Virtual.

Enlace ao taboleiro