1. OBXECTO
A presente convocatoria está prevista no Plan estratéxico de subvencións da Universidade de Vigo  como acción destinada a cumprir o obxectivo 5 «Impulsar a internacionalización e a multiculturalidade», incentivando o uso do galego nas teses de doutoramento, nos traballos de fin de grao e de mestrado universitario realizados polo estudantado da Universidade de Vigo, así como premiarmos o esforzo e o rigor de darlle un tratamento coidado ao idioma e incrementar o patrimonio dos textos redactados.

PREMIOS E CUANTÍAS:

1. En primeiro lugar, outorgaráselles a axuda ás solicitudes admitidas de teses de doutoramento. No caso de que o orzamento non sexa suficiente ordenaranse por nota media de expediente académico de grao/ licenciatura/enxeñaría/enxeñaría técnica ou equivalente (polo que accedeu ao doutoramento) ou ben a nota media da declaración de equivalencia. En caso de non presentar a equivalencia entenderase que a nota media é 5,00. A esta nota sumaráselle 0,25 puntos adicionais se a persoa solicitante acredita estar en posesión dalgún título de máster universitario. No caso de ter rematado varios estudos de máster só se computará un.

2. Se non se esgota o orzamento dispoñible, o crédito restante repartirase entre os TFG/TFM que cumpran os requisitos ordenados por nota do traballo. No caso de empate adxudicaráselle á persoa con maior nota media do expediente académico.
3. Só se poderá obter un premio por persoa nesta convocatoria.

1. Atoparse nalgún dos seguintes casos:
   • Posuír nacionalidade española.
   • Posuír a nacionalidade dun estado membro da Unión Europea e acreditar a condición de residente legal.
   • Posuír nacionalidade fóra da EU e acreditar a residencia legal en España, de acordo co disposto na normativa sobre dereitos e liberdades das persoas estranxeiras en España (non é suficiente o permiso de estadía por estudos).
2. Presentar e defender a tese de doutoramento (TD), o traballo de fin de grao (TFG) ou o traballo de fin de mestrado universitario (TFM) na Universidade de Vigo entre o 16 de setembro de 2025 e o 15 de setembro de 2026.

Quedan excluídos os TFG das seguintes titulacións:

• Grao en Ciencias da Linguaxe e Estudos literarios (módulo de lingua galega)
• Grao en Tradución e Interpretación (Galego-Inglés)
• Grao en Tradución e Interpretación (Galego-Francés)

1. Presentar a declaración do director/a da TD ou do titor/a do TFG/TFM de que o traballo se redactou e se defendeu integramente en lingua galega segundo o modelo do anexo ii.
2. No caso do TFG e do TFM obter unha cualificación mínima de 8.

Non poderán ter a condición de beneficiarias as persoas nas que concorra algunha das circunstancias establecidas no artigo 13.2 da Lei 38/2003, do 17 de novembro, xeral de subvencións.

  SOLICITUDE:

1. As persoas solicitantes deberán empregar o formulario en liña na seguinte ligazón https://secretaria.uvigo.gal/uv/web/formularios/encuesta/cubrir_paso1/15494, descargalo e presentalo na sede electrónica da Universidade de Vigo (https://sede.uvigo.gal) a través da instancia xenérica estudantes (SXER) existente na sede (enlace), e pór como asunto «Axudas para redactar TFG/TFM/TD en galego» e achegará unicamente o formulario coa solicitude.

O modelo específico de presentación de solicitudes é de uso obrigatorio para as persoas interesadas neste procedemento (artigo 66.6 da Lei 39/2015, do 1 de outubro, do procedemento administrativo común das administracións públicas). Se algunha das persoas interesadas presenta a súa solicitude de xeito presencial, requiriráselle para que a presente a través da sede electrónica.

2. O prazo de presentación das solicitudes comezará o día seguinte de publicarse esta convocatoria e rematará o 15 de setembro de 2026 ás 23:59 horas (hora peninsular española).
3. No formulario en liña achegarase a seguinte documentación (non hai que subir a documentación á sede electrónica):
4. Declaración do director/a da TD ou do titor/a do TFG/TFM de que o traballo se redactou e se defendeu en lingua galega (anexo II).
5. Copia en formato PDF da TD, do TFG ou do TFM, ou ligazón ao repositorio.
6. O estudantado que non teña nacionalidade española:
   • Documento do Rexistro de cidadán/á da Unión Europea.
   • Tarxeta de identificación de estranxeiro/a na que conste o permiso de residencia (non é suficiente co permiso de estadía por estudos) de cidadán/a extracomunitario.
7. No caso de estudos cursados nunha universidade distinta á Universidade de Vigo:

• Expediente académico (título e certificado de nota media) do grao/ licenciatura/enxeñaría/enxeñaría técnica ou equivalente polo que accedeu ao doutoramento. Estudantado con titulación doutro país, deberá presentar, xunto coa certificación académica, unha declaración de equivalencia da nota media de expedientes académicos universitarios realizados en centros estranxeiros, obtida a través do procedemento online establecido polo Ministerio de Universidades no seguinte enderezo web: Equivalencia de notas medias de estudios universitarios realizados en centros extranjeros - Ministerio de Ciencia, Innovación y Universidades - Secretaría General de Universidades
• Acreditación de titulación de mestrado universitario.