O obxecto desta convocatoria é fomentar a formación transfronteiriza do estudantado da Universidade de Vigo, a través da realización de prácticas académicas, curriculares ou extracurriculares, nunha entidade externa con sede en Portugal. As axudas están destinadas sufragar parte dos gastos ocasionados pola mobilidade desde o lugar habitual de residencia do estudantado que participe na convocatoria.

O período de prácticas do programa terá unha duración de 1 a 3 meses, e podendo desenvolverse dende o día seguinte á publicación da adxudicación ata o 30 outubro de 2026 coas condicións descritas no documento de formalización da práctica. No caso de estudantado que finaliza estudos no curso 2025/2026, deberá rematar as prácticas antes da presentación da solicitude de título e en todo caso antes do 31 de agosto de 2026.

A contía individual será de 950€/mes a cal estará suxeita ás obrigas de cotización á Seguridade Social (cota obreira) que estableza a normativa vixente nesta materia. No caso de prácticas extracurriculares estará así mesmo suxeita á retención de IRPF que corresponda.

Poderá solicitar a bolsa o estudantado que cumpra os seguintes requisitos:

1. Atoparse nalgún dos seguintes casos:
   • Posuír nacionalidade española.
   • Posuír a nacionalidade dun estado membro da Unión Europea e acreditar a condición de residente legal.
   • Posuír nacionalidade fóra da EU e acreditar a residencia legal en España, de acordo co disposto na normativa sobre dereitos e liberdades dos estranxeiros en España (non é suficiente o permiso de estadía por estudos).
2. Estar matriculado na Universidade de Vigo no curso 2025/2026 durante todo o período de duración da bolsa nas titulacións oficiais de grao ou máster universitario da Universidade de Vigo.
3. No caso dos estudos de grao, deberá ter superados o 50% dos créditos ata o curso 2024/2025.
4. Contar coa carta de pre-aceptación da empresa/institución onde se realizan as prácticas nas que se inclúa o programa das prácticas que deberá estar vencellado coas competencias da titulación universitaria cursada.
5. Non ter relación contractual coa empresa/institución proposta para realizar as prácticas.

1. A solicitude realizarase a través do formulario en liña dispoñible na Secretaría virtual da Universidade

 https://secretaria.uvigo.gal/uv/web/bolsas/convocatorias/index  Bolsa prácticas “EURES-Alen do Miño”

2. O prazo de presentación das solicitudes comezará o día seguinte a publicarse esta convocatoria rematando o 18 de xuño de 2026 as 23:59 horas (hora peninsular española).
3. No formulario en liña achegarase a seguinte documentación:

• O estudantado que non teña nacionalidade española:
  • documento do Rexistro de cidadán/á da Unión Europea ou
  • tarxeta de identificación de estranxeiro/a na que conste o permiso de residencia (non é suficiente co permiso de estadía por estudos) de cidadán/á extracomunitario.
• No caso de estudantado procedente do sistema de protección á infancia e adolescencia deberá presentar certificado expedido polo órgano competente da comunidade autónoma.
• Carta de pre-aceptación da empresa/institución na que se inclúa o programa das prácticas (vencellado coas competencias da titulación universitaria cursada) e as datas previstas da estadía (Anexo II).
• Declaración responsable da persoa solicitante de non ter relación contractual coa empresa/institución na que se van realizar as prácticas (Anexo III).

Serán obrigas das persoas bolseiras:

1. Realizar, baixo a supervisión da persoa titora, a actividade formativa e o plan formativo conforme ao establecido na convocatoria.
2. Estar matriculada na Universidade de Vigo durante todo o período de duración da bolsa.
3. Contemplar, no desenvolvemento da práctica, ás obrigas recollidas en relación aos estudantes en prácticas no Real Decreto 592/2014, de 11 de xullo, polo que se regulan as prácticas académicas externas dos estudantes universitarios, así como as que se establecen neste mesmo sentido no Regulamento de prácticas académicas externas do alumnado da Universidade de Vigo.
4. Incorporarse a entidade na data acordada, cumprindo o horario previsto no proxecto educativo e respectando as normas de funcionamento, seguridade e prevención de riscos laborais da mesma.

Enlace ao taboleiro 

Prazo de alegacións a partir do día seguinte ó da publicación desta resolución e ata o día 30 de xuño ás 23:59 horas (hora peninsular española) para, de ser o caso, emendar os defectos que motivaron a súa exclusión ou completar a solicitude. Para tal fin deberán empregar o formulario de alegacións existente na Secretaría Virtual.

Enlace ao Taboleiro