O obxecto desta convocatoria é desenvolver programas formativos conxuntos coas empresas e coas institucións que melloren a empregabilidade do estudantado, a través da realización de prácticas académicas, curriculares ou extracurriculares, nunha iniciativa empresarial de recente creación, de modo que poidan ver o emprendemento como unha oportunidade para o desenvolvemento do seu futuro profesional.

Poderá solicitar a bolsa o estudantado que cumpra os seguintes requisitos:

a) Atoparse nalgún dos seguintes casos:

• Posuír nacionalidade española.
• Posuír a nacionalidade dun estado membro da Unión Europea e acreditar a condición de residente legal.
• Posuír nacionalidade extracomunitaria e acreditar a residencia legal en España, de acordo co disposto na normativa sobre dereitos e liberdades dos estranxeiros en España (non é suficiente o permiso de estadía por estudos).

b) Estar matriculado nunha das titulacións oficiais de grao ou de máster universitario no curso 2025/2026 da Universidade de Vigo.

c) No caso dos estudos de grao, deberán ter superados o 50% dos créditos da titulación ata o curso 2024/2025.

Requisitos das iniciativas empresarias:

• Ter un máximo de cinco años de vida dende a alta como autónomo ou da constitución da sociedade, entendéndose como esta a data de inscrición no Rexistro Mercantil, Rexistro de Cooperativas ou orde específica.
• Non xurdir dunha operación de fusión, escisión ou transformación de empresas que non teñan consideración de empresas emerxentes.
• Non distribuír dividendos, ou retornos no caso de cooperativas.
• Non cotizar nun mercado regulado.
• Ter entre 2 e 20 persoas contratadas, e nas cooperativas computaranse dentro do persoal os socios cuxa relación sexa de natureza societaria.
• Ter a súa sede social, domicilio social ou establecemento permanente en España.

Aquelas entidades que desexen participar neste programa de bolsas como entidades receptoras do estudantado poderán solicitar a adhesión ao programa cubrindo o formulario en liña dispoñible no seguinte enlace da Secretaría virtual da Universidade:

Formulario entidades receptoras

1. A solicitude realizarase a través do formulario en liña dispoñible na secretaría virtual da Universidade https://secretaria.uvigo.gal/uv/web/bolsas/convocatorias/index / Programa de prácticas académicas en iniciativas empresariais emerxentes.

2. No formulario en liña achegarase a seguinte documentación:

• O estudantado que non teña nacionalidade española:
  • documento do Rexistro de cidadán/á da Unión Europea ou
  • tarxeta de identificación de estranxeiro/a na que conste o permiso de residencia (non é suficiente co permiso de estadía por estudos) de cidadán/á extracomunitario.
• No caso de estudantado procedente do sistema de protección á infancia e adolescencia deberá presentar certificado expedido polo órgano competente da comunidade autónoma.

Xunto coa solicitude a persoa solicitante poderá propor a iniciativa onde quere facer as prácticas, indicando os datos da mesma e as datas previstas da estadía (Anexo II). Esta iniciativa ten que cumprir os requisitos recollidos na base 3 da convocatoria e deberá rexistrarse no enlace facilitado na mesma base. No caso de que non propoña unha entidade, asignarase unha das iniciativas acorde co seu perfil académico.

O prazo de presentación das solicitudes comeza+ o día seguinte da publicación desta convocatoria e remata o 11 de xuño de 2026  ás 23:59 horas (hora peninsular española).

O período de prácticas terá unha duración entre 1 e 2 meses, e poderán desenvolverse dende o día seguinte á publicación da adxudicación ata o 30 de setembro de 2026 coas condicións descritas no documento de formalización da práctica académica. No caso de estudantado que finalice estudos no curso 2025/2026, deberá rematar as prácticas antes da presentación da solicitude de título e en todo caso antes do 31 de agosto de 2026.

A contía individual será de 795 €/mes, a cal estará suxeita ás obrigas de cotización á Seguridade Social (cota obreira) que estableza a normativa vixente nesta materia. No caso de prácticas extracurriculares estará así mesmo suxeita ás retencións establecidas polas normativas tributarias aplicables.