OBXECTO

Esta convocatoria está prevista no Plan Estratéxico de Subvencións da Universidade de Vigo  como acción destinada ao cumprimento do obxectivo 5 “Impulsar a internacionalización e a multiculturalidade” promovendo a aprendizaxe de linguas estranxeiras entre o estudantado de titulacións de carácter oficial da Universidade de Vigo.

CONTÍA:

A contía individual máxima da bolsa será equivalente ao importe de matrícula do curso ou exame de linguas, e so se  percibirá o importe correspondente a un curso.

Pode solicitar a bolsa o estudantado que cumpra os seguintes requisitos:

1. Atoparse nalgún dos seguintes casos no prazo de presentación de solicitudes
   • Posuír nacionalidade española.
   • Posuír a nacionalidade dun estado membro da Unión Europea e acreditar a condición de residente legal.
   • Posuír nacionalidade extracomunitaria e acreditar a residencia legal en España, de acordo co disposto na normativa sobre dereitos e liberdades dos estranxeiros en España (non é suficiente o permiso de estadía por estudos).
2. Estar matriculado no curso 2025/2026 en estudos de Grao ou Máster universitario en centros propios da Universidade de Vigo ou en centros adscritos de titularidade pública que imparten titulacións non impartidas en centros propios (Enfermaría Ourense, Enfermaría Pontevedra e Enfermaría Meixoeiro).
3. Ter cursado, estar cursando un curso de idiomas, ou ter realizada a inscrición ao exame do Centro de Linguas no curso 2025/2026 na data de presentación de solicitudes.
4. Non ter concedida a mesma bolsa en convocatorias anteriores agás cando se trate dun segundo curso que sexa continuación doutro rematado e subvencionado.

SOLICITUDE:

As persoas solicitantes deberán empregar o formulario en liña no seguinte enlace da Secretaría virtual da Universidade,

https://secretaria.uvigo.gal/uv/web/bolsas/convocatorias/index   Bolsas cursos idiomas

O prazo de presentación das solicitudes comezará o día seguinte a publicarse esta convocatoria, e remata o 4 de xuño de 2026 ás 23:59 horas (hora peninsular española).

DOCUMENTACIÓN:

1. No formulario en liña achegarase, de selo caso, a seguinte documentación:

• O estudantado que non teña nacionalidade española:
  • documento do Rexistro de cidadán/á da Unión Europea ou
  • tarxeta de identificación de estranxeiro/a na que conste o permiso de residencia (non é suficiente co permiso de estadía por estudos) de cidadán/á extracomunitario.
• No caso do estudantado procedente do sistema de protección á infancia e adolescencia deberá presentar certificado expedido polo órgano competente da comunidade autónoma.
• O alumnado que accedeu ao máster universitario desde estudos cursados noutras universidades españolas deberán aportar a certificación académica correspondente con indicación de nota media.
• No caso de estudantado que accede ao máster desde estudos cursados en universidades estranxeiras deberá aportar a Declaración de Equivalencia de Nota media solicitada ao Ministerio de Ciencia, Innovación e Universidades a través do seguinte enlace: 

  https://universidades.sede.gob.es/pagina/index/directorio/Equivalencia_notas_medias

  Tamén se lles poderá requirir que acheguen outra documentación que resulte necesaria para a correcta avaliación de requisitos e méritos alegados.

  O feito de non achegar a documentación requirida será causa de exclusión.

A selección será efectuada pola comisión de avaliación de acordo cos seguintes criterios:

• Nota expediente académico: ata 10 puntos
  • Para estudantado de continuación de estudos de grao e de máster universitario de mais de 60 créditos a nota media do expediente académico segundo se recolle no RD 1125/2003.
  • Para o estudantado de inicio de estudos de grado ou máster  universitario a nota de acceso  segundo se recolle no RD 1125/2003.
• Ao estudantado procedente do sistema de protección á infancia e a adolescencia sumáselle 2 puntos a súa nota media.
• Ao estudantado que teña concedida bolsa xeral do MEFPD (Ministerio de Educación)/Bolsa do Goberno Vasco no curso 2025/2026 ou Axudas propias UVigo no curso 2025/2026: 2 puntos

No caso de empate terá preferencia a persoa coa nota media de expediente académico/acceso mais alta.

Enlace ao Taboleiro

Prazo de alegacións a partir do día seguinte ó da publicación desta resolución e ata o día 25 de xuño ás 23:59 horas (hora peninsular española) para, de ser o caso, emendar os erros, as causas de exclusión e a falta de documentación. Para tal fin deberán empregar o formulario de alegacións existente na Secretaría Virtual.