O obxectivo desta acción é a sensibilización do estudantado a través da súa participación nos proxectos de Cooperación internacional para o Desenvolvemento, co fin de que integren elementos teóricos e prácticos adquiridos na súa formación académica e contribúan como universitarios e cidadáns comprometidos cos retos globais contidos na Axenda 2030.

Por medio desta bolsa o estudantado de Grao e Máster universitario da Universidade de Vigo poderá realizar unha estadía vinculada a un axente de cooperación no marco dun proxecto ou acción de cooperación nun pais dos sinalados nesta convocatoria, e que o traballo que desenvolva sexa validado no marco de traballos de fin de carreira, prácticas, ou traballos recoñecidos no marco de materia.

Poderá solicitar bolsa o estudantado que cumpra os seguintes requisitos:

1. Estar matriculado no curso 2025/2026 nunha titulación de Grao ou Máster universitario da Universidade de Vigo.
2. Ter superado o 50% dos créditos da titulación de Grao, no prazo de presentación de solicitudes.
3. Realizar a estadía nun dos países prioritarios establecidos no V plan director da Cooperación Galega: Bolivia, Ecuador e Perú (en América do Sur), República Dominicana (no Caribe) Guatemala, O Salvador, Honduras, e Nicaragua (en Centro América), Mozambique, Cabo Verde e Guinea Bissau (en África) ou nos incluídos dentro das áreas prioritarias do VI Plan da cooperación Española.
4. Comprometerse a realizar prácticas, un traballo académico con recoñecemento curricular, ou defender o Traballo Fin de Estudos, no curso 2025/2026 ou 2026/2027 en temáticas relacionadas con:
   1. Axenda 2030 e os obxectivos de desenvolvemento
   2. Cooperación ao desenvolvemento: cooperación financeira; cooperación técnica; axuda alimentaria e axuda humanitaria; principios e fundamentos xurídicos; política e xestión; cooperación e muller; dereitos humanos; ONGD e outros actores da cooperación ONGD; cooperación empresarial; cooperación
5. Contar coa aceptación dun axente de cooperación responsable do proxecto de cooperación no exterior (ONGD, Asociación, Fundación, Universidade)
6. Contar co visto e prace dun/dunha profesor/a da Universidade de Vigo, no que se reflicta o interese formativo da estadía, no que constarán as indicacións do recoñecemento curricular que poidan supoñer para o/a estudante (prácticas, materias, ou traballo fin de estudos).
7. Para aqueles países cuxo idioma oficial non sexa nin español nin portugués cómpre acreditar, segundo o Marco Común Europeo de Referencia, o nivel B1 de inglés/ francés.
8. Non poderán ter a condición de beneficiarios/as persoas que residan habitualmente no país no que se solicita a estadía.
9. Deberán presentar declaración responsable segundo modelo (Anexo V)

Non poderán ter a condición de beneficiario/a as persoas nas que concorra algunha das circunstancias establecidas no artigo 13.2 da Lei 38/2003 Xeral de subvencións, de 17 de novembro.

As persoas solicitantes deberán cubrir o formulario en liña dispoñible na secretaría virtual da Universidade https://secretaria.uvigo.gal/uv/web/bolsas/convocatorias/index Bolsa de mobilidade proxectos cooperación

O prazo de presentación de solicitudes comeza o día seguinte a publicarse esta convocatoria e finaliza o 11 de maio de 2026 ás 23:59 horas (hora peninsular española).

No formulario en liña achegarase a seguinte documentación:

1. Documentación acreditativa da formación e/ou experiencia en voluntariado e cooperación ao desenvolvemento.
2. Documentación acreditativa do idioma, B1 de inglés/francés (no caso de ser preciso, segundo país de destino).
3. Plan de traballo individualizado que conterá unha descrición do traballo a realizar no marco do TFG/TFM, practicas ou traballo académico a súa motivación, obxectivos, actividades e resultados (Anexo II)
4. Informe dun/dunha profesor/a da UVigo, na que se reflicta o interese formativo da estadía, no que constarán as indicacións do recoñecemento curricular que poidan supoñer para o/a estudante (prácticas de materias, proxecto fin de carreira ou traballo de materias). (Anexo III)
5. Carta de acollida e presentación do proxecto asinada pola organización ou persoa coordinadora do proxecto de acollida. (Anexo IV)
6. Declaración (Anexo V)

Obrigas:

A persoa beneficiaria da bolsa deberá:

1) Antes da estadía:

a) Asistir á formación organizada pola UVIGO e a entidade de cooperación.

b) Xestionar a súa viaxe, aloxamento, vacinacións e de ser o caso tramitar o visado e realizar calquera outra xestión necesaria para asegurar a permanencia no destino durante a duración do estadía.

c) Comunicar calquera proposta de cambio de datas, que deberá ser autorizada previamente.

2) Durante a estadía:

a) No momento da súa chegada ao pais de destino deberá enviar por correo electrónico a bolsasformacion@uvigo.gal xustificante de inicio de estadía asinado polo/a titor/a da entidade de acollida

b) Cumprir co plan de traballo presentado na solicitude. Calquera modificación (de datas, centro de destino...) deberá ser autorizada pola vicerreitora de Extensión Universitaria á vista dos informes dos/as titores/as.

c) Cumprir a normativa vixente relativa ás prácticas externas establecidas pola universidade de Vigo, responsabilizándose da tramitación dos documentos que corresponda.

3) Ao finalizar a estadía:

a) Presentar un informe do/a titor/a da entidade de acollida que recolla a data de fin da estadía e o grao de desempeño.

b) Presentar unha memoria xustificativa do traballo realizado, resultados acadados e coñecementos adquiridos, que deberá contar co visto e prace do/a profesor/a.

c) Cubrir unha enquisa de satisfacción ao regreso da estadía.

4) Deberá presentar na Vicerreitoría de Extensión Universitaria documentación visual da súa estadía (fotografías ou vídeos en formato .JPG) e da súa participación no En todo o material que se xere das actividades que se desenvolvan no marco desta convocatoria deberá constar que se levaron a cabo con financiamento da Universidade de Vigo.

5) Participar, no caso de que se lle requira, nunha actividade de sensibilización que determinará a Vicerreitoría de Extensión Universitaria, na que relatará a súa experiencia no terreo.

6) Defender o traballo fin de estudos, matricularse/recoñecer as prácticas, ou a materia relacionada coa actividade, segundo sexa o caso, no curso 2025/2026 ou 2026/2027.

Ademais a persoa beneficiaria debe cumprir as obrigas recollidas no artigo 14.1 da Lei 38/2013, de 17 de novembro, Xeral de Subvencións, que lle sexa de aplicación.