OBXECTO

Captar estudantado con talento e garantir o acceso universal á educación pública universitaria facilitando o acceso á educación superior a estudantes con excelentes expedientes académicos, e fomentar a inclusión educativa velando polos criterios de igualdade e equidade social (económica ou cultural).

CONTÍA

A contía máxima da bolsa será de 12.000 €.

Poderá solicitar a bolsa o estudantado que cumpra os seguintes requisitos:

1. Posuír nacionalidade española, nacionalidade comunitaria acreditando a residencia continuada, ou fora da UE acreditando a residencia legal en España no prazo de presentación de solicitudes (non será suficiente o permiso de estadía por estudos).
2. Ter rematado unha titulación de Grao na Universidade de Vigo no curso 2024/2025.
3. Estar matriculado no curso 2025/2026 en 60 créditos nalgunha titulación de máster universitario da Universidade de Vigo.
4. Ter unha nota de acceso ao máster igual ou superior a 8,5.

Non poderán ter a condición de beneficiario/a as persoas nas que concorra algunha das circunstancias establecidas no artigo 13.2 da Lei 38/2003 xeral de subvencións, de 17 de novembro.

Xunto co formulario en liña achegarase, de ser o caso, a seguinte documentación:

a)-documentación acreditativa, no caso de non ter nacionalidade española:

• no caso de estudantado comunitario deberá presentar documento do Rexistro de cidadán/á da Unión Europea
• no caso de estudantado extracomunitario deberá presentar a tarxeta de identificación de estranxeiro/a na que conste o permiso de residencia (non é suficiente co permiso de estadía por estudos).

b)-da discapacidade expedida polo organismo competente da comunidade autónoma.

c)-do sistema de protección á infancia e adolescencia expedida polo órgano competente da comunidade autónoma.

d)-do nivel de inglés: mediante a presentación das seguintes certificacións oficiais recoñecidas pola Asociación de Centros de Lenguas en la Enseñanza Superior (ACLES):

https://www.acles.es/uploads/archivos/Tablas_ACLES/Tablas_de_certificados_reconocidos_por_ACLES_2024_07_25.pdf

e)-anexo II

Solicitudes ata 7 de maio de 2026

As persoas solicitantes deberán encher o formulario en liña dispoñible na Secretaría Virtual da Universidade  https://secretaria.uvigo.gal/uv/web/bolsas/convocatorias/index  Bolsas Santander Excelencia 360º e inscribirse na web do Santander https://app.santanderopenacademy.com/es/program/excelencia-360o-2026