OBXECTO

Promover a incorporación de estudantado interesado en iniciarse na carreira investigadora, facilitando a súa formación teórica e práctica, así como a adquisición de novas capacidades e destrezas que permitan o desenvolvemento da competencia investigadora no ámbito de traballo da Axenda Científica de ECOBAS.

Convócanse un máximo de 6 bolsas de iniciación á investigación.

A contía individual máxima da bolsa será 1.125€, a cal estará suxeita á retención de IRPF que estableza a normativa vixente nesta materia.

Poderá solicitar bolsa o estudantado que cumpra os seguintes requisitos:

a) Estar matriculado/a no curso 2025/2026 nalgunha das seguintes titulacións:

• • Máster universitario en Economía da Universidade da Coruña, Universidade de Santiago de Compostela e Universidade de Vigo na totalidade dos créditos.
  • Máster universitario en Economía Circular da Universidade da Coruña, Universidade de Santiago de Compostela e Universidade de Vigo na totalidade dos créditos.
  • Na totalidade de créditos que lle resten para finalizar algún dos seguintes graos matriculados na Universidade da Coruña, Santiago de Compostela ou Vigo,

• Grao en Administración e Dirección de Empresas

• Grao en Ciencias da Actividade Física e do Deporte

• Grao en Ciencias Empresariais

• Grao en Ciencias Políticas

• Grao en Comercio

• Grao en Comunicación Audiovisual

• Grao en Dereito

• Grao en Dirección e Xestión Pública

• Grao en Economía

• Grao en Educación Social

• Grao en Empresa e Tecnoloxía

• Grao en Pedagoxía

• Grao en Periodismo

• Grao en Psicoloxía

• Grao en Publicidade e Relacións Públicas

• Grao en Relacións Internacionais

• Grao en Relacións Laborais e Recursos Humanos

• Grao en Socioloxía

• Grao en Turismo

• Grao en Xestión Industrial da Moda

b) Ter unha nota de expediente académico, no caso de estudos de Grao ata o curso 2024/2025 segundo se recolle no RD 1125/2003, ou de acceso no caso de estudos de Máster universitario, igual ou superior a 7 puntos.

No formulario en liña achegarase, de ser o caso, a seguinte documentación (non haberá que subir a documentación á sede electrónica):

1. certificación académica ata o curso 2024/2025 e xustificante de matrícula do curso 2025/26 do estudantado matriculado na USC e na UDC.
2. cursos acreditativos de inglés: (só se terá en conta o de nivel superior), acreditado mediante certificados recoñecidos por ACLES
3. acreditación de formación en linguaxe de programación e de cálculos estatísticos (R, Phyton, Stata).
4. acreditación de formación adicional no eido da economía e a empresa.

OBRIGAS

A persoa beneficiaria deberá:

1. Destinar a bolsa á finalidade para a que foi concedida, para tal fin deberá colaborar de xeito presencial na investigación e actividade científica proposta por ECOBAS ao longo de 45 días.
2. Achegar á Sección de Bolsas e Axudas ao Estudo, dentro do mes seguinte á finalización da bolsa, unha memoria final das actividades realizadas durante todo o período da bolsa (enlace memoria). Esta memoria debe estar informada favorablemente pola persoa titora.
3. Comunicar á Sección de Axudas e Bolsas a obtención de axudas da mesma natureza e finalidade.
4. Seguir as normas de filiación a ECOBAS e identidade corporativa en todas as súas comunicacións e publicacións derivadas da súa produción científica.

Enlace ao taboleiro

Alegacións a partir do día seguinte ó da publicación desta resolución e ata o día 26  de maio ás 23:59 horas (hora peninsular española) para, de ser o caso, emendar os defectos que motivaron a súa exclusión ou completar a solicitude. Para tal fin deberán empregar o formulario de alegacións existente na Secretaría Virtual