Destinada a persoas que se matriculan na Universidade de Vigo no curso 2026/2027 nunha titulación oficial de grao ou máster, agás as empadroadas nun municipio do Pais Vasco a 31 de decembro de 2025.

Publicarase a ligazón dos requisitos, no momento que esten actualizados na web do Ministerio

Presentación de solicitudes: a través da sede electrónica do Ministerio de Educación, Formación Profesional y Deporte no enderezo https://sede.educacion.gob.es no apartado correspondente a “trámites e servizos”.

NON SERÁN TIDAS EN CONTA AQUELAS SOLICITUDES CUBERTAS POR VÍA TELEMÁTICA QUE QUEDEN EN BORRADOR, É DICIR, QUE NON COMPLETEN O PROCESO DE PRESENTACIÓN ESTABLECIDO, DESCARGANDO O RESGARDO DE SOLICITUDE.

O prazo para solicitar a bolsa da convocatoria xeral para o curso 2026/2027 ábrese do 7 de abril de 2026 ás 08:00 h ata o 18 de maio de 2026 ás 15:00 h (horas peninsulares).

Non o deixes para o final. Pide a túa bolsa aínda que non saibas o que vas estudar ou mesmo se vas ou non a estudar.

Aviso moi importante: lémbrase que procederá á devolución da bolsa concedida no caso de:

• Anulación de matrícula
• Non ter superado en convocatoria ordinaria nin extraordinaria o 40% dos créditos matriculados nas titulacións da rama de ciencias e ensinanzas técnicas, e o 50% no resto das titulacións. Para o cálculo desta porcentaxe non se terán en conta os créditos validados, recoñecidos ou adaptados. Neste suposto procederá o reintegro de todos os compoñentes da bolsa agás o correspondente á matrícula.
• A ocultación ou falseamento de datos
• Obtela aínda sendo incompatible con outras axudas.
• A obtención da bolsa sen cumprir algún dos requisitos esixidos.
• O propio erro da Administración que a concedeu.

A carta voluntaria de reintegro da bolsa incluirá os intereses de demora calculados desde a data do pago da axuda ata a data de apertura do expediente.