A convocatoria de axudas propias á mobilidade de persoal investigador da Universidade de Vigo ten por obxecto financiar parcialmente as estadías en centros de investigación do persoal investigador que cumpra os requisitos sinalados, co obxectivo de contribuír ao intercambio de coñecemento e á mellora e internacionalización da súa actividade investigadora.

Pertencer a un dos seguintes grupos:

Grupo 1:
-Estudantes de doutoramento. Quen sexa beneficiaria ou beneficiario dunha axuda de apoio á
etapa predoutoral non poderá solicitar axuda para a mesma estadía para a quen ten concedido
financiamento autonómico ou estatal.
O estudantado que goce dunha axuda á etapa predoutoral de calquera modalidade (Formación
de Profesorado Universitario -FPU-, Formación de doutoras e doutores –FPI-, Xunta de Galicia
ou Universidade de Vigo) deberá contar, no seu caso, coa conveniente autorización de ausencia
ou o correspondente trámite que estableza a convocatoria pola que acadou a axuda
predoutoral.
Grupo 2:
-Persoal investigador contratado no marco de calquera programa competitivo de persoal
investigador predoutoral en formación que se atopen no período de orientación posdoutoral
(POP).

Conforme a base novena das bases da convocatoria.  

Ademais dos documentos cuxos modelos suxeridos se publican neste apartado, é preciso presentar un breve resumo do traballo realizado (modelo libre)  asinado pola persona que realiza a estadía así como a persoa directora da tese de doutoramento.

Estes documentos deben aportarse a través de SUXI.