A presente convocatoria está prevista no Plan Estratéxico de Subvencións da Universidade de Vigo de 2026 como acción destinada ao cumprimento do obxectivo “Desenvolver programas formativos conxuntos coas empresas e coas institucións que melloren a empregabilidade do estudantado” a través do recoñecemento e fomento a nivel nacional de iniciativas emprendedoras xurdidas na Universidade de Vigo.

A Universidade de Vigo concederá tres premios que consistirán

• Nunha achega económica para o desenvolvemento da solución emprendedora de 2.000 € que será aboada á persoa solicitante. O importe está suxeito á retención do IRPF establecida na lexislación tributaria.
• Acceso directo ao premio nacional "Santander X Spain Award | University 2026", previa inscrición no mesmo, onde as persoas gañadoras de todas as universidades poderán competir entre elas e obter exposición a nivel nacional, así como a oportunidade de conseguir unha serie de beneficios adicionais, tanto económicos como en especie, segundo a convocatoria específica do premio.
• Difusión dos proxectos gañadores nas redes sociais e webs do Grupo Santander, onde se incluirá unha mención co nome dos membros do equipo, a descrición do proxecto, así como os seus logotipos e accesos á súa páxina web e redes sociais.

O pagamento da achega económica efectuarase mediante transferencia á conta bancaria indicada pola persoa solicitante e da que deberá ser titular.

REQUISITOS DAS PERSOAS SOLICITANTES

Para solicitar o premio é preciso cumprir os seguintes requisitos:

1. Un membro do equipo debe estar matriculado ou recén titulado (cunha antigüidade máxima de cinco anos desde o momento da súa graduación) de grao, máster universitario ou doutoramento na Universidade de Vigo.
2. O/a estudante ou recén titulado/a debe ter residencia legal en España.
3. Tamén poderán formar parte do equipo persoas que teñan a condición de profesorado universitario, persoal investigador predoctoral ou posdoutoral, empregado/a ou persoal funcionario da Universidade de Vigo ou que teñan participado nalgún programa de emprendemento promovido pola Universidade de Vigo.

REQUISITOS DOS PROYECTOS SOLICITANTES

Os proxectos emprendedores deberán cumprir polo menos un dos seguintes requisitos:

• Proxectos emprendedores en fase de validación para o seu lanzamento no mercado con potencial de disrupción e altamente escalables que dispoñan dun MVP (Produto Mínimo Viable) ou estar constituídos legalmente como empresa que non tiveran facturación nin fixeran un levantamento de capital.
• Proxectos emprendedores que teñan un prototipo conceptual que permita a validación da solución con potenciais clientes
• Proxectos emprendedores enfocados no desenvolvemento e/ou fabricación de novos bens ou servizos para o mercado, utilizando coñecementos científicos ou tecnolóxicos de vangarda.
• Proxectos emprendedores innovadores baseados en nova tecnoloxía factible e crible, nova aplicación tecnolóxica, novo modelo de negocio ou un novo proceso. A madurez da tecnoloxía será referenciada xunto con calquera patente ou estratexia de IP asociada á solución.

1. O estudante ou recén titulado deberá :
2. Inscribirse na plataforma Santander X na convocatoria https://app.santanderx.com/calls/santander-x-award-proyectos-emprendedores-universitarios-2026
3. Presentar na sede electrónica da Universidade de Vigo (https://sede.uvigo.gal ), a través da instancia xenérica (SXER), unha solicitude, poñendo no asunto “Premios SANTANDER X SPAIN AWARD 2026 – Proxecto emprendedor”.
4. O prazo de presentación das solicitudes comezará o día seguinte a publicarse esta convocatoria e finalizará o 24 de abril de 2026 ás 23:59 horas (hora peninsular española). A presentación fóra de prazo supoñerá a non admisión a trámite da solicitude.
5. Xunto coa solicitude deberá presentar
6. declaración responsable de cumprimento de requisitos do proxecto (Anexo II).
7. datos da conta bancaria en España da persoa solicitante da que debe ser titular na que se ingresará a achega económica.

O prazo de presentación das solicitudes comezará o día seguinte a publicarse esta convocatoria e finalizará o 24 de abril de 2026 ás 23:59 horas (hora peninsular española). A presentación fóra de prazo supoñerá a non admisión a trámite da solicitude.

Enlace ao taboleiro

Prazo de alegacións a partir do día seguinte ó da publicación desta resolución e ata o 6 de maio ás 23:59 horas (hora peninsular española) para, de ser ocaso, emendar os erros, e a falta de documentación. Para tal fin deberán empregar o formulario de alegacións existente na secretaría virtual.

Enlace ao taboleiro

Prazo de alegacións a partir do día seguinte ó da publicación desta resolución e ata o día 14 de maio ás 23:59 horas (hora peninsular española). Para tal fin deberán empregar o formulario de alegacións existente na secretaría virtual