Obxecto:

O obxecto desta convocatoria é potenciar a empregabilidade do estudantado das titulacións do Campus Auga, a través das prácticas remuneradas en empresas.

Período formativo:

O período de prácticas terá unha duración entre 2 e 3 meses, e poderán desenvolverse dende o día seguinte á publicación da adxudicación e ata o 30 de setembro de 2026.

Contía:

A contía individual será como máximo de 600 €/mes

Estar matriculado na Universidade de Vigo no curso 2025/2026 en titulacións do Campus Auga:

• Máster en Nutrición
• Máster en Ciencia e Tecnoloxía Agroalimentaria e Ambiental
• Máster en Sistemas Aéreos No Tripulados
• Máster en Dirección e Planificación do Turismo Interior e de Saúde
• Grao en Ciencia e Tecnoloxía dos Alimentos
• Grao en Enxeñería Agraria
• Grao en Ciencias Ambientais
• Grao en Enxeñería Aeroespacial
• Grao en Administración e Dirección de Empresas
• Grao en Turismo
• Grao en Intelixencia Artificial
• Grao en Dereito
• Programa de simultaneidade do Grao en Administración e Dirección de empresas e Grao en Dereito
• Programa de simultaneidade do Grao en Turismo e o Grao en Xeografía e Historia
• Programa de simultaneidade do Grao en Administración e Dirección de Empresas e en Enxeñería Informática

No caso dos estudos de grao, ter superados o 50% dos créditos do plan de estudos, no curso 2024/2025.

As persoas solicitantes deberán empregar o formulario en liña no seguinte enlace da Secretaría virtual da Universidade https://secretaria.uvigo.gal/uv/web/bolsas/convocatorias/index / Bolsa prácticas Campus Auga”

No caso do estudantado procedente do sistema de protección á infancia e adolescencia deberá presentar certificado expedido polo órgano competente da comunidade autónoma.

O prazo de presentación das solicitudes comeza o día seguinte de publicarse esta convocatoria e remata o 12 de marzo ás 23:59 horas (hora peninsular española). 

Obrigas das persoas bolseiras:

1. Estar matriculada na Universidade de Vigo durante todo o período de duración da bolsa.
2. Contemplar, no caso de desenvolvemento da práctica, ás obrigas recollidas en relación aos estudantes en prácticas no Real decreto 592/2014, de 11 de xullo, polo que se regulan as prácticas académicas externas dos estudantes universitarios, así como as que se establecen neste mesmo sentido no Regulamento de prácticas académicas externas do alumnado da Universidade de Vigo.
3. Cumprir os contidos do plan formativo seguindo as indicacións da persoa titora asignada pola entidade participante, baixo a supervisión da persoa da universidade que exerza como titora académica. Así mesmo, deberán manter contacto coa titora académica e comunicarlle calquera incidencia que exista durante o desenvolvemento da práctica.
4. Incorporarse na data acordada, cumprindo o horario previsto no proxecto educativo e respectando as normas de funcionamento, seguridade e prevención de riscos laborais da mesma.
5. Achegar á Sección de Bolsas e Axudas ao Estudo, dentro do mes seguinte á finalización da bolsa, unha memoria final das actividades realizadas durante todo o período da bolsa (enlace memoria). Esta memoria debe estar informada favorablemente pola persoa titora.
6. Comunicar á Sección de Axudas e Bolsas a obtención de axudas da mesma natureza e finalidade.

Enlace ao taboleiro

Prazo de alegacións a partir do día seguinte ó da publicación desta resolución e ata o día 7 de abril ás 23:59 horas (hora peninsular española) para, de ser o caso, emendar os defectos que motivaron a súa exclusión.