O obxecto das bolsas é a compensación do custo económico asociado aos desprazamentos que o estudantado debe realizar desde a localidade do centro de estudos ata as empresas e institucións nas que realizan as prácticas curriculares.

Pode solicitar bolsa o estudantado que cumpra os seguintes requisitos:

• Requisitos xerais

Atoparse nalgún dos seguintes casos:

1. Posuír nacionalidade española.
2. Posuír a nacionalidade dun estado membro da Unión Europea e acreditar a condición de residente legal a 31 de decembro de 2024.
3. Persoas con nacionalidade extracomunitaria que acrediten a 31 de decembro de 2024 a residencia legal en España, de acordo co disposto na normativa sobre dereitos e liberdades dos estranxeiros en España (non é suficiente o permiso de estadía por estudos). No caso das persoas solicitantes de estatuto de refuxiado ou protección subsidiaria deben cumprir o requisito de residencia a 30 de xuño de 2025.

Poderá obterse a condición de beneficiario destas axudas aínda que non se cumpran os requisitos establecidos no artigo 13.2 da Lei 38/2003, do 17 de novembro, Xeral de Subvencións, conforme o disposto no artigo 4.5 do Real Decreto 1721/2007, do 21 de decembro, polo que se establece o réxime das bolsas e axudas ao estudo personalizadas.

• Requisitos académicos

1. Estar matriculado na Universidade de Vigo no curso 2025/2026 en titulacións oficiais de Grao e Máster Universitario, en centros propios ou en centros adscritos de titularidade pública que imparten titulacións non impartidas en centros propios (Enfermaría Ourense, Enfermaría Pontevedra e Enfermaría Meixoeiro).

O estudantado que se matricule no primeiro curso dun Máster Universitario sen posuír a titulación de Grao, de acordo co establecido no artigo 18.4 do Real Decreto 822/2021, de 28 de setembro, polo que se establece a organización das ensinanzas universitarias, poderá obter bolsa sempre que acredite estar en posesión da referida titulación de Grao no prazo de solicitudes.

2.Estar matriculado no curso 2025/2026 nalgunha das materias de prácticas curriculares con 18 ou máis créditos.

• • Requisitos económicos:

a) A suma de rendas de todos os membros da unidade familiar non pode superar os seguintes limiares:

• Familias de 1 membro: 898,00 €.
• Familias de 2 membros: 23.724,00 €.
• Familias de 3 membros: 32.201,00 €.
• Familias de 4 membros: 38.242,00 €.
• Familias de 5 membros: 42.743,00 €.
• Familias de 6 membros: 46.142,00 €.
• Familias de 7 membros: 49.503,00 €.
• Familias de 8 membros: 52.850,00 €.

A partir do oitavo membro engadiranse 3.340,00 € por cada novo membro computable.

b) O patrimonio familiar non pode superar os seguintes limiares:

• A suma de rendementos netos reducidos de capital mobiliario máis o saldo neto positivo de ganancias e perdas patrimoniais non poderá superar 1.700,00 €.
• A suma de valores catastrais das fincas urbanas pertencentes á unidade familiar, quedando excluída a vivenda habitual, e non poderá superar 42.900,00 €. Os valores catastrais pondéranse polos coeficientes establecidos na normativa de bolsas MEFPD de carácter xeral para estudantes universitarios para o curso 2025/2026.

1. A solicitude realizarase a través do formulario en liña dispoñible na secretaría virtual da Universidade http://secretaria.uvigo.gal/ na que deberá rexistrarse e seleccionar "bolsas propias de estudos/BOLSA PRÁCTICAS CURRICULARES". Así mesmo deberán inscribirse na web do “Santander” https://app.santanderopenacademy.com/es/program/ayuda-economica-para-practicas-2026-i-edicion .
2. O prazo de presentación das solicitudes comezará o día seguinte a publicarse esta convocatoria e finaliza o 16 de marzo de 2026 ás 23:59 horas (hora peninsular española).
3. No formulario en liña achegarase a seguinte documentación:

• O anexo II (consentimento) debidamente asinado por cada un dos membros da unidade familiar con sinatura dixital ou manuscrita autorizando á universidade a consultar directamente os datos de renda e patrimonio.
• Documentación acreditativa das distintas situacións que afecten á composición da unidade familiar:
  • Certificado municipal conxunto correspondente a 31 de decembro de 2024 nos seguintes casos:
    • Viuvez, separación e/ou divorcio do/a sustentador/a principal.
    • Independencia económica e familiar da persoa solicitante
    • Se hai ascendentes dos pais ou irmáns/ás maiores de 25 anos con discapacidade residindo no domicilio familiar.
  • Sentenza de divorcio ou convenio regulador, de ser o caso.
  • Independencia económica e familiar: deberá presentar a documentación xustificativa de ter domicilio en propiedade ou en aluguer, e de dispoñer dos medios económicos suficientes para facer fronte aos seus gastos, contrato de aluguer e xustificación de ingresos.
  • No caso do estudantado procedente do sistema de protección á infancia e adolescencia deberá presentar certificado expedido polo órgano competente da comunidade autónoma.
• Documentación acreditativa das situacións que dan dereito a dedución no cálculo da renda:
  • Título familia numerosa.
  • Acreditación de orfandade absoluta.
  • Certificado de discapacidade (do/a solicitante, irmáns e fillos/as do solicitante).
  • Irmáns estudantes universitarios residentes fora do domicilio familiar durante o curso anterior 2024/2025 (expediente académico e contrato de aluguer).
  • Familia monoparental.
• Documentación acreditativa dos ingresos percibidos no estranxeiro polos membros da unidade familiar o ano 2024.
• Documentación acreditativa dos ingresos percibidos no ano 2024 exentos de IRPF (RISGA, pensión de orfandade, pensión de incapacidade...)

Á vista dos problemas técnicos que impiden o acceso ao formulario de presentación, resolvese ampliar o prazo de presentación de solicitudes ata o 18 de marzo de 2026 ás 23:59 horas (hora peninsular española).

Alegacións a partir do día seguinte ó da publicación ata o día 20 de abril ás 23:59 horas (hora pensinsular española)

Enlace ao taboleiro

Alegacións a partir do día seguinte ó da publicación ata o día 22 de abril ás 23:59 horas (hora pensinsular española)

Enlace ao taboleiro