Premios fin de carreira da Comunidade Autónoma para o alumnado que rematou brillantemente os seus estudos universitarios conducentes á unha titulación oficial de grao no curso académico 2023/24, nas universidades do Sistema universitario de Galicia.

As persoas premiadas recibirán unha dotación económica dun máximo de 3.500 euros e un diploma acreditativo desta distinción.

a) Ter o título universitario español polo cal opta ao premio ou o depósito daquel.
b) Ter cursado integramente os estudos da titulación universitaria pola cal opta ao premio como alumno/a das universidades do Sistema universitario de Galicia. 
c) Ter rematada a titulación oficial de grao no curso académico 2024/25.
d) No programa de simultaneidade de graos, finalizar os dous traballos fin de grao no mesmo curso académico 2024/25. 
e) Ter unha puntuación media no seu expediente académico igual ou superior a 8,50 puntos, para o alumnado das ramas de coñecemento de Artes e Humanidades, Ciencias Sociais e Xurídicas, Ciencias e Ciencias da Saúde, e 7,50 puntos, para o alumnado da rama de Enxeñaría e Arquitectura. 
f) Non poderán obter un premio fin de carreira aquelas persoas que xa obtiveron un en anteriores convocatorias.
g) Así mesmo, non poderán optar a un premio aquelas persoas que superasen máis dun  terzo das materias da titulación por cursos ponte ou recoñecementos.

As solicitudes presentaranse obrigatoriamente por medios electrónicos a través do formulario normalizado (anexo II) dispoñible na sede electrónica da Xunta de Galicia

(código de procedemento ED415A)