Obxecto:

O obxecto desta convocatoria é fomentar unha mellor formación práctica do estudantado universitario a través da colaboración en retos formulados desde o mundo empresarial, ben coa realización de prácticas académicas externas curriculares ou extracurriculares, ben coa realización do traballo fin de grao (TFG) ou fin de máster (TFM).

Período formativo:

O período de prácticas terá unha duración de 4 meses, e , e poderán desenvolverse dende o día seguinte á publicación da adxudicación ata o 31 de xullo de 2026.

Contía:

A contía individual será como máximo de 600 €/mes

1. Posuír nacionalidade española, nacionalidade comunitaria acreditando a residencia continuada, ou extracomunitaria acreditando a residencia legal en España no prazo de presentación de solicitudes (non é suficiente o permiso de estadía por estudos).
2. Estar matriculado no curso 2025/2026 nalgunha das seguintes titulacións:
   1. Grao en Enxeñaría de Tecnoloxías de Telecomunicacións
   2. Máster universitario en Enxeñaría de Telecomunicación
   3. Máster universitario en Ciberseguridade
3. No caso dos estudos de grao, deberá ter superados o 50% dos créditos ata o curso 2024/2025.
4. No caso de realización do traballo fin de estudos deberá estar matriculado no TFG/TFM no prazo de presentación de solicitudes.

No formulario en liña achegarase a seguinte documentación:

• O estudantado que non teña nacionalidade española:
  • documento do Rexistro de cidadán/á da Unión Europea ou
  • tarxeta de identificación de estranxeiro/a na que conste o permiso de residencia (non é suficiente co permiso de estadía por estudos) de cidadán/á extracomunitario.
• Portfolio de traballos académicos realizados e aliñados coas temáticas propostas.
• Acreditación dos cursos de inglés.
• Anexo II indicando se realizará prácticas ou o traballo fin de estudos.

Obrigas das persoas bolseiras:

1. Contemplar, no caso de desenvolvemento da práctica, ás obrigas recollidas en relación aos estudantes en prácticas no Real decreto 592/2014, de 11 de xullo, polo que se regulan as prácticas académicas externas dos estudantes universitarios, así como as que se establecen neste mesmo sentido no Regulamento de prácticas académicas externas do alumnado da Universidade de Vigo.
2. Cumprir o contidos do plan formativo seguindo as indicacións da persoa titora asignada pola entidade participante, baixo a supervisión da persoa da universidade que exerza como titora académica. Así mesmo deberán manter contacto coa titora académica e comunicarlle calquera incidencia que exista durante o desenvolvemento da práctica.
3. Incorporarse na data acordada, cumprindo o horario previsto no proxecto educativo e respectando as normas de funcionamento, seguridade e prevención de riscos laborais da mesma.
4. Achegar á Sección de Bolsas e Axudas ao Estudo, dentro do mes seguinte á finalización da bolsa, unha memoria final das actividades realizadas durante todo o período da bolsa (enlace memoria). Esta memoria debe estar informada favorablemente pola persoa titora.
5. Comunicar á Sección de Axudas e Bolsas a obtención de axudas da mesma natureza e finalidade.