O obxecto das bolsas é fomentar unha mellor formación teórica e práctica do estudantado, colaborando, en réxime de compatibilidade cos seus estudos, en actividades vinculadas á titulación na que se matricula.

O número de horas de colaboración será de de 15 horas semanais para as bolsas-15 e de 10 horas semanais para as bolsas-10

CONTÍA:

A contía bruta será como máximo de:

• 400 €/mes para a bolsa 15 horas/semanais
• 265 €/mes para a bolsa 10 horas/semanais

1. Posuír nacionalidade española, nacionalidade comunitaria acreditando a residencia continuada, ou extracomunitaria acreditando a residencia legal en España no prazo de presentación de solicitudes (non é suficiente o permiso de estadía por estudos).
2. Estar matriculado en centros propios no curso 2025/2026, durante todo o período de duración da bolsa, nas titulacións de grao ou máster universitario sinaladas no anexo II, no campus no que se opta á bolsa.
3. No caso de estudos de Grao, deberán ter superados o 50% dos créditos ata o curso 2024/2025 agás naqueles casos nos que no Anexo II se estableza unha maior porcentaxe de créditos superados.
4. Cumprir os demais requisitos específicos sinalados no Anexo II. Para estes efectos terase en conta o último día do prazo de presentación de solicitudes ata o curso 2024/2025.
5. Non gozar con anterioridade dunha bolsa de formación complementaria da Universidade de Vigo durante máis de doce meses, de forma consecutiva ou descontinua. O cómputo do tempo farase de data a data.

1. As persoas solicitantes deberán cubrir o formulario en liña no seguinte enlace https://secretaria.uvigo.gal/uv/web/formularios/encuesta/cubrir_paso1/14874 descargalo e presentalo na sede electrónica da Universidade de Vigo (https://sede.uvigo.gal) a través da Instancia Xenérica (SXER) existente na sede. No asunto indicará “bolsas de formación-2ª convocatoria”, e achegará unicamente o arquivo coa solicitude. So se poderá presentar unha solicitude por persoa.
2. O prazo de presentación das solicitudes comeza o día seguinte a publicarse esta convocatoria e remata o 30 de xaneiro de 2026 ás 23:59 horas (hora peninsular española).
3. As persoas solicitantes deberán establecer unha orde de prioridade nas bolsas solicitadas que será vinculante.

No formulario en liña achegarase a seguinte documentación (non hai que subir a documentación á sede electrónica):

• O estudantado que non teña nacionalidade española:
  • documento do Rexistro de cidadán/á da Unión Europea ou
  • tarxeta de identificación de estranxeiro/a na que conste o permiso de residencia (non é suficiente co permiso de estadía por estudos) de cidadán/á extracomunitario.
• Certificación académica dos estudos realizados no caso de que se realizasen nunha universidade distinta á de Vigo.
• Os documentos que correspondan en cada caso, segundo os criterios específicos de selección establecidos no anexo II:
  • Cursos relacionados co perfil formativo
  • Documentación acreditativa dos méritos alegados

Tamén se lles poderá requirir que acheguen outra documentación que sexa necesaria para a correcta avaliación de requisitos e méritos alegados.

O prazo de presentación das solicitudes comeza o día seguinte a publicarse esta convocatoria e remata o 30 de xaneiro de 2026 ás 23:59 horas (hora peninsular española).

Enlace ao taboleiro

Prazo de alegacións a partir do día seguinte ó da publicación desta resolución e ata o día 12 de febreiro ás 23:59 horas (hora peninsular española). Para tal fin deberán empregar o formulario de alegacións existente na Secretaría Virtual.