O programa permitirá que o estudantado universitario de calquera titulación oficial poida completar a súa formación mediante a realización de prácticas académicas, tanto curriculares como  extracurriculares, no ámbito rural, en zonas con problemas de despoboamento, residindo no mesmo, coñecéndoo en profundidade e convivindo e colaborando coa súa xente, de modo que poidan velo como un lugar de oportunidades para o desenvolvemento do seu futuro profesional.

Oferta de titulacións de Grao da Universidade de Vigo

Oferta de titulacións de máster da Universidade de Vigo

Poderá participar neste programa calquera administración local, institución, organismo, entidade sen ánimo de lucro ou empresa legalmente constituída, que

• Desenvolva a súa actividade en municipios españois de menos de 5.000 habitantes ou en municipios con maior poboación pero con localidades nas que se realicen as prácticas de menos de 5.000 habitantes.
• Dispoña das instalacións e dos medios adecuados para desenvolver as prácticas.
• Dispoña do persoal adecuado para titorizar as prácticas. As persoas titoras deben pertencer á entidade colaboradora, estar vinculadas con ela e contar con experiencia profesional e cos coñecementos necesarios para realizar unha titorización efectiva.

1. As entidades deberán cubrir o formulario en liña na seguinte ligazón: https://secretaria.uvigo.gal/uv/web/formularios/encuesta/cubrir_paso1/14871

As entidades para cada perfil buscado deben presentar unha única oferta, podendo presentar tantas ofertas como perfís de prácticas demandados, indicando os perfís requiridos en cada unha delas e podéndose establecer ata un máximo 5 titulacións relacionadas co perfil que se busca.

2. O prazo de presentación das solicitudes comeza o día seguinte a publicarse esta convocatoria e finaliza en tres períodos distintos:

   - PRAZO 1: Ata o 20 de xaneiro de 2026 ás 23:59 horas (hora peninsular española). A oferta de prazas achegadas ata esta data publicaranse na convocatoria de estudantes para a súa selección e terán prioridade na adxudicación.

   - PRAZO 2: Ata o 20 de marzo de 2026 ás 23:59 horas (hora peninsular española). A oferta de prazas recibidas ata esta data poderán ofrecerse ao alumnado da lista de agarda resultante da adxudicación do primeiro prazo. 

   - PRAZO 3: 20 de xullo de 2026 ás 23:59 horas (hora peninsular española). A oferta de prazas recibidas ata esta data poderán ofrecerse ao alumnado que poida quedar en lista de agarda e non se lle adxudicara entidade nos prazos anteriores.